Тайландтың Бангкок қаласында дзюдодан жастар арасында Азия чемпионаты аяқталды. Қазақстанның намысын қорғаған талантты жас спортшы Айдар Арапов Азия чемпионатының күміс жүлдегері атанды.
Сары құрлық елдері бойынша сайдың тасындай іріктеліп, ең талантты балуандар қатысқан бұл құрлық додасында тағы да бір қазақстандық жас балуан 90 келі салмақта сынға түсіп, Азия чемпионатының алғашқы айналымында малазиялықты ұтса, екінші айналым барысында басты қарсыласы Моңғолиядан келген балуанды тізе бүктірді. Ал, ақтық сынға шығар алдында Корей елінің үмітін жеңіп, өзінің мықтылығын көрсетті.
Нәтижесінде ақтық сынға жолдама алған дарынды жас спортшымыз аса жауапты сәтте өзбекстандық балуанға есе жіберіп алды. Азия чемпионатында күміс жүлдегер атанған Айдар Арапов енді тамызда айында Гуякиль қаласында (Эквадор) әлем чемпионатына қатысып, ел намысын қорғайтын болады. Жастар арасында Түркістан облысының аға жаттықтырушысы Мейіржан Қалтаевтың шәкіртінің алған белесін жақсылыққа баулуда.
