Түркістан облысының балалар мен жасөспірімдерге арналған футбол мектебінің талантты жас футболшылары Көкшетаудың Зеренді қаласында өткен Қазақстан чемпионатының жеңімпазы атанды.
Болашағы жарқын Түркістан облысының талантты жас ойыншыларының келешегінен футбол мамандары мол үміт күтеді. Күні кеше ғана Көкшетаудың Зеренді қаласында аяқталған футболдан жасөспірімдер арасындағы кезекті Қазақстан чемпионатында түркістандықтардың талантына көпшілік риза болды. Қазақстан футболының өркендеуіне мол үлес қосатын дарындылар арасында 2008 жылғы туылған үздік ойыншыларымыз бар. Олардың қатарында жасыл алаңда жасындай жарқылдаған команда капитаны Ботабек Құдірет, техникалық жағынан мықты қақпашы Ибрагим Ерсұлтан бар. Бұдан өзге қорғаны мықты қорғаушы Сарсеналы Саламат пен осы Ел чемпионатында “Үздік ойыншы”номенация иегері жерлесіміз Момын Арыслан – облыс футбол мектебінің мақтаныштары. Бапкер Тілеген Сатыбалдиевтің айтуынша, бұл әрбір шәкірттің алаңда тәжірибесі қалыптасып, командалық ойында бірін-бірі жақсы түсінеді. Шеберліктері мен техникалары да жылдам жас футболшыларымыз әлі талай жеңістерге жететін болады.
Тамаша жеңіс – бапкер Тілеген Сатыбалдиевтің бұл ерен еңбегінің нәтижесі. Жеңіске деген құштарлықтары мықты түркістандық жасөспірім футболшыларымыздың қажырлы еңбектері бұл. Білікті басшы, жастардың жанашырына айналған Дәулетияр Әлиев бұл жетістікті жоғары бағалайды.
Айта кетейік, Қазақстан чемпионатының жеңімпазы атанған жас таланттар 2008 жылы туылған Жетісай қаласының талантты шәкірттері.
