ТҮРКІСТАНДЫҚ ЖАС СПОРТШЫЛАРДЫҢ ҚОЛ ЖЕТКІЗГЕН ЖЕТІСТІКТЕРІ МОЛ

499

Астана қаласында таяуда таеквондодан 8-11 жас аралығындағы жасөспірімдер арасында ҚР чемпионаты өтті. Елордадағы тартысты турнирде Түркістан қалалық №1 балалар мен жасөспірімдер спорт мектебінің сайыпқырандары 2 күміс, 1 қола медаль еншіледі.

Нет описания.

Атап айтқанда, Еркежан Айтжан мен Шұғыла Мырзахан ел чемпионатының күміс жүлдегерлері атанса, Нұрдәулет Маханбет қола жүлдеге қол жеткізді. Жаттықтырушысы – Жандарбек Тұрлыбек.

Аталған спорт мектебінің директоры Нышанбай Құдайбергеновтің айтуынша, жыл басынан бері спортшылар қоржынды 25 алтын, 23 күміс, 29 қола медальмен толықтырған. Жалпы спорт мектебінде 472 спортшы бокс, волейбол, таеквондо, тоғызқұмалак, самбо, дзюдо спорт түрлерімен шұғылданады.

Мәселен, қыркүйек айында бокстан Арыс қаласында өткен Бейсен Онтаевты еске алуға арналған халықаралық турнирде түркістандық өрендер олжалы оралған. 2009-2010 жылы туылған жасөспірімдер арасындағы сайыста Нұрасыл Мырзан мен Мұхамедәлі Пазылхан чемпион атанса, Нұрасыл Даниярұлы ІІ орынды иеленді. Бапкерлері – Марат Сәрсенбаев, Ағабек Алтыбаев.

Сонымен қатар, Сайрам ауданында бокстан өткен Ақсу жекпе-жек спорт клубының ашық біріншілігіне қатысқан Түркістан қалалық №1 БЖСМ-нің спортшылары оза шапты. Тарқатып айтсақ, 2009-2010, 2011-2012 жылы туылған жасөспірімдер арасындағы жарыста облыс орталығының спортшылары 5 алтын, 2 күміс, 1 қола медаль иеленген