Бүгінгі сайлауға 18 жасқа толған Зейнеп Қожай өз таңдауын жасады. Сайлаушының айтуынша ол бүгін сайлауға алғаш рет қатысып жатыр.
«Бүгін дауыс беру мүмкіндігіне ие болғаныма, еліміздің жарқын болашағы жолында таңдау жасау бақыты бұйырғанына қуаныштымын. Мен үшін бүгінгі күн, үлкен тарихи сәтке айналары анық. Бұл сайлаудың еліміз үшін маңыздылығы өте жоғары. Себебі, осы сайлауда халық болып, халық қалаулыларын сайлайтын боламыз. Осындай маңызды кезеңде баршаңызды сайлауға белсенді қатысып, өз таңдауларыңызды жасауға шақырамын», – деді студент Зейнеп Қожай.
Айта кетсек, Түркістан қаласында 62 сайлау учаскесі жұмысын бастап, таңғы 07:00-ден сайлаушыларды қабылдауда. Түркістан қаласында жалпы 121 405 сайлаушы тұрады. Алғашқы дауыс беруші белсенді азаматтарға сайлау учаскелерінде сый-сияпат жасалып, мерекелік құттықтаулар ұйымдастырылды.
