ТҮРКІСТАНДА ЭКСТРЕМИЗМ МЕН ТЕРРОРИЗМНІҢ АЛДЫН АЛУ БАҒЫТЫНДА АТҚАРЫЛҒАН ЖҰМЫСТАР АУҚЫМДЫ

266

Түркістан қаласы әкімдігі Түркістан облысы дін істері басқармасының келісімімен Түркістан қаласы көлемінде дін мәселелері бойынша жұмыс жүргізетін ақпараттық – түсіндіру тобының (АТТ) 2022 жылдың екінші жартыжылдығына арналған кездесулер жоспары бекітілген болатын. Соған сәйкес, жоспар аясында Түркістан облысы дін істері басқармасының «Дін мәселелерін зерттеу орталығы» коммуналдық мемлекеттік мекемесінің теолог мамандарымен бірлесе отырып, қыркүйек айында  17  жалпы кездесу өткізілді. Шара аясында Түркістан қаласындағы  14 мектеп, 2 колледж, 1 университет студенттері қамтылды. Бір ғана  қыркүйек айында осы шараларға 1700-ге жуық адам қатысып, түсіндірме жұмыстарына қатысты.

Түркістан қаласы бойынша 3 білім беру мекемесінде ақпараттық түсіндіру жұмысы өтті. Соның бірі – Сәкен Сейфуллин атындағы мектебінде ұйымдастырылды.  Кездесу «Экстремизм мен терроризмді насихаттайтын интернет ресурстарының қауіптілігі»  тақырыбында өрбіді. Жиын барысында аталған мектеп оқушылары мен ұстаздар қауымына арнайы мамандар қоғамдық дертке айналып отырған ғаламтордағы теріс бағыттағы ақпараттардан сақ болу, сақтану, ондай ақпараттарды жүктемеу, таратпау керектігі түсіндірілді.

Дәл осындай шара мұнан соң Шарап Ниязов атындағы жалпы орта мектебінде жалғасын тапты. Мұндағы кездесудің тақырыбы өте ауқымды.  «Діни көзқарастары үшін екпе егу жұмыстарынан бас тарту мәселелерін болдырмау» тақырыбы кеңінен қозғалып, жиналғандарға мол мәліметтер берілді. Кездесу барысында оқышулар мен мұғалімдер арнайы мамандарға сауалдар қойып, тұшымды жауаптарын алды.

Бұдан бөлек,  Түркістан қаласындағы Бауыржан Момышұлы атындағы №22  жалпы орта мектебінде де  «Экстремистік және террористік қызметке қарсы іс-қимыл бойынша ұлттық заңнамасы» тақырыбында келелі жиын өтті. Жиынға аталған мектептің оқышулары мен ұстаздар қауымы қамтылды. Жиынға қатысқан телолог мамандар жиналғандардың сауалдарына жауап беріп, оқушыларды қоғамға қауіп төндіретін экстремистік және террористік қызметке қарсы іс-қимыл әрекеттерін жан-жақты баяндады.

Түркістан қаласындағы 3 білім беру мекемесінде ақпараттық түсіндіру жұмысы өткізілді. Атап айтсақ,  Түркістан қаласындағы №14 Қазыбек би атындағы жалпы орта мектебінде – «Қазақстан аумағындағы экстремистік ұйымдардың идеологиясы және олардың көріністерінің теологиялық өзгешелігі»  тақырыбында келелі кездесу өткізіліп, түсіндірме жұмыстары өтті. Жиынға қатысқан оқушылар мен ұстаздық құрам жиынға арнайы шақыртылған мамандармен аталған тақырып аясында өзара пікір алмасты.

Жалпы, мұндай жиындардың өскелең ұрпаққа берері мол. Осыны ескерген ақпараттық – түсіндіру тобы Түркістан қаласындағы   №21 М.Пошанов атындағы жалпы орта мектебінде – «Қазақ халқының ұлттық дәстүрлері және ислам»  тақырыбында жиын ұйымдастырды. Жиынның мақсаты – қазіргі жасөспірімдерге қазақы сана мен салт-дәстүрді дәріптей отырып, ислам дінінің шариғат жолдарында рұқсат етілген ұстанымдарды түсіндіру болатын. Кездесу көп күткен үдеден шыға белгенін айта кету керек. Оқушылар қазақ халқының салт-дәстүрімен сусындап, әдеп-ғұрыптардан сусындады.

Бүгінгі қоғамда деструктивті діни ағымдардың да қаіптілігі артып отыр. Олар ,амалмтор желілерін кеңінен пайдаланып, адамның санасын улауда. Одан қазіргі жасөспірімдер мен оқушыларды құтқару өмір талабы. Осыны ескерген ақпараттық-насихат тобы «Деструктивті діни ағымдардың алдын алу»  тақырыбында Түркістан қаласындағы №24 М.Шоқай атындағы жалпы орта мектебінде арнайы шара өткізді.