Түркістан облысында қоғамлық бірлік пен Дін саласындағы саясатты, насихаттап жүрген мамандар жетерлік. Солардың бірі Түркістан облысы дін істері басқармасы «Дін мәселелерін зерттеу орталығы» КММ теолог маманы Бауыржан Абдрахман. Назарларыңызға Бауыржанның татулық пен бірлік – өркендеудің негізі жайындағы пікірін ұсынамыз. Биыл – Қазақстан халқы Ассамблеясының құрылғанына 30 жыл. Қазақстан халқы Ассамблеясының (ҚХА) негізгі мақсаты – мемлекеттік ұлттық саясатты жүзеге асыру, еліміздегі қоғамдық-саяси тұрақтылықты қамтамасыз ету, мемлекеттік және азаматтық қоғам институттарының этносаралық қатынастар саласындағы өзара іс-қимылын арттыру, жалпы ұлттық келісім мен бірлікті нығайту, экстремизмге қарсы күрес жүргізу, мемлекеттік тілді дамыту, сондай-ақ Қазақстан этностарының дәстүрлері мен мәдениетін сақтау.
Қазақтың байтақ даласы – 130-дан астам ұлт өкілдерінің ортақ Отаны. Барлық жетістіктеріміз бен жеңістеріміздің мызғымас тұғыры да татулық пен тұтастық. Түсіністік пен тұрақтылық – әрбір азамат атсалысып, әркімнің үлес қосуын талап ететін қастерлі құндылық. Еліміздің тәуелсіз дамуының басында, күрделі экономикалық жағдай кезінде халық арасында шиеленіскен, (антипате тикалық) көңіл-күйдің күшейгенін байқағанбыз. Бәріміз осы ахуалды бастан өткердік. Бұл түрлі этностар өкілдерінің үдере қоныс аударуына себеп болды. Сол бір қиын-қыстау кезеңде 1995 жылдың 1 наурызында еліміздің Тұңғыш Президенті Нұрсұлтан Назарбаев «Қазақстан халықтары Ассамблеясын құру туралы» Жарлыққа қол қойды. Осылайша тұрақтылық пен қоғамдық келісім мен жалпыұлттық бірліктің қазақстандық үлгісін одан әрі қалыптастырудың негізі қаланды. Сол арқылы, Қазақстан өзінің табысты даму үлгісімен тұрақтылық, бейбітшілік пен келісімнің қаншалықты маңызды екенін әлемге көрсетті.
Татулық пен бірлік – кез келген қоғамның тұрақтылығы мен дамуының маңызды негіздері. Олар халықтар мен ұлттар арасында келісімді нығайтады, әлеуметтік байланыстарды күшейтеді, мәдениетті байытады. Татулық пен бірлік арқылы адамдар ортақ мақсаттарға жету үшін бірігіп, бір-бірін қолдайды. Адамдар арасындағы түсіністік пен сыйластық экономикалық, әлеуметтік және мәдени өркендеудің алғышарттарын қалыптастырады. Татулық пен бірлік туралы тереңірек түсінік алу үшін, олардың элементтеріне, тарихына және қазіргі замандағы рөлі зор. Түркістан облысында дін саласындағы саясатты насихаттау – қоғам қауіпсіздігі мен рухани тұтастықты қамтамасыз етудегі маңызды қадамдардың бірі. Мемлекет пен қоғамның үйлесімді іс-әрекеті нәтижесінде өңірде діни тұрақтылық сақталып отыр. Алдағы уақытта да бұл бағыттағы жұмыстар жүйелі түрде жалғасын табатыны сөзсіз.
Бір кезде тағдырдың жазуымен қазақ жеріне көшіп келген этностар бүгінде осы елдің тең құқылы азаматы. Бұл – қазақ халқының кең пейілі мен дарқан болмысының айғағы. Татулық пен сыйластықтың биігін бағындырған ел ғана болашаққа нық қадам баса алады. Қазіргі заманда бірлік пен татулық – жай сөз емес, елдің даму қарқынын анықтайтын стратегиялық фактор. Тарих беттеріне көз жүгіртсек, бірлік кеткен елдің берекесі де, тәуелсіздігі де ұзаққа бармағанын көреміз. Сол себепті, бізге сыртқы жаудан бұрын, ішкі татулықты сақтау маңызды. Ұлы Жамбыл ақынның «Жігерлі болса ер болар, бірлікті болса ел болар» деген сөзі бар. Расында, Тәуелсіздік атты азаттықтың арайлы таңынан бергі осындай аз уақыт ішінде біздің ең ұлық, баға жетпес құндылықтарымыздың негізі қаланды. Сондықтан да, бейбітшілік, руханият және келісім мәдениеті біздің бүгінгідей барша әлемге танытқан Елдік болмысымыздың кепілі. Сондықтан еліміздің болашағын, яғни келер ұрпақтың баянды ғұмыр кешуі үшін біздер әлі де талмай еңбек етуіміз қажет. Бұл орайда ел ішіндегі жарастығымыз, татулығымыз да алдағы жетістіктердің бастауы болмақ. Сондықтан да алдағы ортақ мақсатқа жетудегі ұйымшылыдығымыз, бірлігіміз арта берсін.
Біздің қоғамда дінге, тілге, ұлтқа, көзқарасқа қарамастан адамдардың бірін-бірі түсініп, сыйлауы – ел дамуының басты шарты. Бұл үрдісті сақтап, оны нығайту – әр азаматтың, әр отбасының, әр ұрпақтың азаматтық борышы. Бүгінгі жастар – елдің ертеңі. Сондықтан оларға тек білім беру аз, рухани тәрбие, ұлттық құндылықтар, ынтымақ пен бауырмалдық туралы ұстанымды жүрекке сіңіру керек. Жастарды дұрыс бағытқа бастайтын – тәрбие, ұстаз, ата-ана, қоғам. Ал сол тәрбие өзегінің негізінде бірлікке ұмтылу, өз ұлтыңа ғана емес, барлық халыққа құрметпен қарау сияқты биік ұстанымдар жатыр. Тарихта қазақ халқының басынан талай қилы кезеңдер өтті. Сол сын сағаттарда елдің аман қалуына бірлік пен сенім, ынтымақ пен ар-намыс себеп болды. Бүгінгі ұрпақ – сол күрестің жемісі. Ендеше, татулық пен тұрақтылық – біздің ұрпақ алдындағы аманатымыз.
