«TAZA SESSIYA» АКЦИЯСЫ ТҮРКІСТАН ҚАЛАСЫНДА!

28

Түркістан облыстық «Jas Otan» жастар қанатының ұйымдастыруымен  «TAZA SESSIYA» акциясы аясында студент жастардан анонимді сауалнама алынды. Сауалнамаға Қ. А. Ясауи атындағы Халықаралық қазақ-түрік Университеті мен Халықаралық туризм және меймандостық университетінен жалпы саны 600 жас қатысты.

«TAZA SESSIYA» акциясының негізгі мақсаты: Студент жастар арасында сыбайлас жемқорлыққа қарсы мәдениетті қалыптастыру және кеңінен насихаттау.

Акцияға Түркістан облыстық мәслихат депутаты Динара Егамбердиева, Түркістан қалалық мәслихат депутаттары Нұрсұлтан Жүсіпбаев, Ақиқат Абдуллаев, Жансерік Жұман, «Түркістан-Адалдық алаңы» жобалық кеңсесінің жетекшісі Нұржахан Абуова, ҚР Сыбайлас жемқорлыққа қарсы іс-қимыл агенттігі Түркістан облысы бойыншы департаментінің превенция басқармасының бас маманы Гүлмира Төлегенқызы, Түркістан облыстық «Адалдық Алаңы» жобалық кеңсесі қызметкерлері, БАҚ өкілдері қатысты.⠀

Еске сала кетейік, «Taza Sessiya» акциясын өткізудің соңғы қорытындысы бойынша республика көлемінде  64 ЖОО және 20 710 студент қамтылды. Сауалнама қорытындысы бойынша ЖОО-дағы сыбайлас жемқорлық деңгейі 12,5% құраған. Биыл республика бойынша 30 мың студентті қамту жоспарланған. Сауалнама қорытындысы сәуір айының соңында көпшілікке жарияланатын болады.