Қазақстанның болашағы және оның халықаралық қоғамдастықтағы орны осы жұмыстың сәтті іске асуына байланысты, деді президент.
“Сол арқылы инвестициялық жобалардың жүзеге асырылу процесін нақты уақыт режимінде бақылауға болады. Мемлекеттік органдардың инвесторларға қатысты барлық шешімі мен шектеу шаралары бойынша “прокурорлық сүзгі” жұмыс істей бастайды. Осылайша, біз инвесторларды негізсіз айыппұлдар мен салықтардан, әділетсіз және ұзаққа созылған сот дауларынан қорғаймыз. Жалпы, бизнес үшін әділ әрі ашық ойын ережесін қамтамасыз етуге бар күш-жігерімізді жұмсаймы”,- деді Тоқаев.
Осы орайда президент жасанды интеллект жүйесін құру өз алдына бөлек әрі өте маңызды мәселе екенін де жеткізді. Осы бағытқа өзі жетекшілік етеді.
“Қазақстанның болашағы және оның халықаралық қоғамдастықтағы орны осы жұмыстың сәтті іске асуына байланысты. Сондықтан бұл бағытқа өзім жетекшілік етемін және шетелдік, отандық мамандармен кездесемін, сондай-ақ жүктелген міндеттердің орындалуын бақылауда ұстаймын”,- деп атап көрсетті Тоқаев.
Еліміз жасанды интеллект саласын белсенді дамытуға және инновациялық технологияларды қолдануға өз үлесін қосуға ұмтылуда. Қазірдің өзінде көп нәрсе жасалды, бірақ Қазақстанда бұл саланы одан әрі дамыту үшін әлі көп нәрсе істеу керек. Әрине, бұл жасанды интеллект дамуының бірнеше бағыттары ғана. 2023 жылдың соңында жасанды интеллект саласындағы стартаптарға салынған инвестиция көлемі жаһандық ауқымда шамамен 50 миллиард долларға жетті. Прогресстің жылдамдығы мен ауқымын болжау қиын. Жасанды интеллектіні пайдалану күнделікті өмірімізге және жұмысымызға көптеген мүмкіндіктер мен артықшылықтар әкелуі мүмкін. Біз жасанды интеллект арқылы біздің игілігіміз үшін қызмет ететін жақсы болашақты құра аламыз деп ойлаймын.
