![парк «Медеу» парк «Медеу»](https://kaz.inform.kz/static/img/plug.webp)
27 маусымда Алматыдағы Медеу стадионында Yandex Qazaqstan Day өтеді. Қатысушыларды компанияның жаңа өнімдер аңдатпасы, қолмен ұстап көре алатын технологиялармен және оларды жасаушы мамандармен танысуға болатын интерактивті аймақтар күтеді.
Фестиваль технологияларды ұнататындардың барлығына және де бизнес-қауымдастықтарға, креативті индустрия өкілдері мен Яндекс Қазақстан сервистерін пайдаланушыларға қызықты болады.
Yandex Qazaqstan Day тілге, бизнеске, қалаға және мәдениетке арналған төрт негізгі трекке бөлінеді. Әр тректің жетекшісі сарапшылар мен блогерлер болады, олар Яндекс спикерлерімен бірге өмірдің әртүрлі салаларын дамытуға жаңа технологиялар қалай көмектесетіні туралы айтады. Мысалы, тіл туралы тректі NinetyOne тобының мүшесі ZaQ ашады, бизнес туралы кәсіпкер әрі блогер Әсел Машанова, ал мәдениет туралы режиссёр Қанат Бейсекеев айтып береді.
Интерактивті аймақтарда қонақтар жеткізуші роботтармен танысып, олардың лидарларына селфиге түсе алады, нейрожелінің көмегімен сурет салып, оны көркемсурет көрмесіне орналастыруға болады, скутерлерде қауіпсіз жүргізу мектебінен өтіп, дата-орталықтың қандай екенін көріп, «ақылды» киіз үйге кіріп, оны Алисаның көмегімен қазақ тілінде басқарып, басқа да интерактивті ойын-сауықтарға қатысуға болады.
Yandex Qazaqstan Day қатысушыларының барлығына тегін трансфер мен түскі ас ұйымдастырылады. Ал фестиваль соңында қазақстандық музыканттардың концерті өтеді.
Қатысу тегін — сайтта өтініш қалдырыңыз да, шақыру хатын күтіңіз. Орындар саны шектеулі. Фестивальге қатыса алмайтындар үшін Яндекс Қазақстан yandex.kz басты бетінде тікелей трансляция өткізеді.