Мемлекеттік қызмет істері агенттігінің Түркістан облысы бойынша департаментіне Н. және Э. есімді қызмет алушылар жер учаскенің жалдау мерзімін ұзартудан негізсіз бас тарту туралы арызы келіп түсті.
Алайда, әкімдік Қағидада белгіленбеген құжаттарды талап ете отырып, қызмет көрсетуден негізсіз бас тартқаны және қызмет көрсету мерзімін бұзғаны анықталды.
Осыған байланысты, Департаментпен анықталған бұзушылықтарды алдағы уақытта болдырмау және қызмет алушының бұзылған құқықтарын қалпына келтіру туралы әкімдікке тиісті ұсыным енгізді.
Нәтижесінде, Департаменттің ықпалымен аталған қызмет алушыларға тиісті жергілікті әкімдіктің жер учаскенің жалдау мерзімін ұзарту туралы қаулылары ұсынылды.
Мырзабек Сейтбек,
Қазақстан Республикасының Мемлекеттік қызмет істері агенттігінің Түркістан облысы бойынша департаментінің Мемлекеттік қызметтер көрсету басқармасының бас маманы
