«Заң мен Тәртіп» қағидаты аясында Райымбек Сейтметов атындағы Түркістан қаласының сазды-драма театрында көрнекті драматург Р.Отарбаевтың «Нашақор жайлы новелла» атты драмалық қойылымы сахналанды.
Аталған қойылым қоғам үшін аса өзекті мәселелердің бірі нашақорлық дертіне қарсы күрес тақырыбын арқау ете отырып, адам өмірі мен тағдырына балта шабатын бұл індеттің ауыр салдарын көркемдік тұрғыда ашып көрсетті. Спектакльде нашақорлықтың жеке адамды ғана емес, тұтас бір отбасының, тіпті қоғамның әлеуметтік, рухани болмысына тигізетін кері әсері шынайы бейнеленді.
Қойылымның басты мақсаты – нашақорлықтың алдын алу, жастар арасында салауатты өмір салтын қалыптастыру, заңға бағыну мен қоғамдық жауапкершілік мәдениетін арттыру, сондай-ақ көрермендерді терең ойға жетелеп, өмірдің шынайы құндылықтарын бағалауға үндеу. Спектакль мазмұны арқылы көрермендерге есірткіге тәуелділіктің соңы қайғылы жағдайларға алып келетінін, оның адам болашағын жоққа шығаратынын айқын жеткізу көзделді.
