Келес ауданындағы №327 сайлау учаскесі ресми түрде ашық деп жарияланғаннан дауыс берушілердің алғашқы легін қазыналы қариялар бастап кірді.
“Бүгін елімізде өтіп жатқан саяси науқанның маңызы зор. Өз үлесімді қоссам деген ниетпен ертемен келіп, таңдауымды жасадым. Ел тағдырына алаңдайтын барлық тұрғын бүгінгі шарадан қалыс қалмауы тиіс деп ойлаймын. Халқымыз аман болсын! Өзгерістердің барлығы оңынан болсын! – деді кейуана.
Сайлау учаскесінің төрағасы елден ерте тұрып, маңызды істен қапы қалмағаны үшін қазыналы қарияларға сыйлық табыстады. Қарт сайлаушылар өз таңдауларын жасап, ақ батасын беріп, сәттілік тіледі.
Сондай-ақ сайлауға келген ел ағалары да азаматтық ұстанымдарын білдіріп, бүгінгі сайлауда жерлестерді дауыс беруге шақырды.
