Promobot компаниясы бүгінде Еуропадағы дербес сервистік роботтардың ірі өндірушісі ретінде танылған.
Промобот – бизнеске арналған сервистік робот. Ол адаммен әңгімелесіп, танып, өз бетінше қозғалады. Мұндай робот дербес яғни, адамның бақылауын қажет етпейді.
Бүгінде промоботтар кеңесші, гид, әкімші, промоутер, консьерж ретінде әлемнің қырық елінде қызмет етіп жүр. Промобот мәліметтер базасы, қауіпсіздік жүйесі, сайттар мен сервистер секілді кез-келген сыртқы жүйеге қосыла алады. Мұндай роботты Сбербанктен, кейбір музейлерден, Дубай-Моллдан, Балтимор-Вашингтон әуежайынан кездестіріп қалуыңыз ғажап емес.
Владивосток – Promobot компаниясы орналасқан төртінші қала. Сколково резидентінің өндірісі мен штаб-пәтері Пермьде, америкалық кеңсе Филадельфияда, ал азиялық өкілдік Гонконгте орналасқан.
Promobot компаниясының қиыршығыстық бөлімшесі Robo-C адам тектес роботтарға арналған әзірлемелерге, шынайы жасанды тері мен андроидтың 3D үлгісін әзірлеуге жұмылдырылған.
Ресейде әзірленген адамға ұқсас роботтарды суреттер топтамасынан тамашалаңыз.
