Жасанды интеллект жалақының көлемі, тұрғылықты жері, көшу мүмкіндіктері, дағдылар және тағы басқа параметрлерді ескере отырып, ең тиімді ұсынымдарды шығара алады.
лектрондық еңбек биржасына жасанды интеллект жүйесі енгізілді, деп хабарлайды еңбек және халықты әлеуметтік қорғау министрлігінің баспасөз қызметі.
Бүгінде порталда жұмыс іздеушілер өз түйіндемелерін жарияласа, жұмыс берушілер бос орындар туралы ақпаратты орналастырып отырады. Ал жасанды интеллект барлық ақпаратқа талдау жасап, екі жаққа да тиімді ұсынымдарды жібере алады.
“Осы ұсыныс жүйесін әзірлеу кезінде LinkedIn Recruiter іздеу және ұсыныстар жүйесіне ұқсас озық архитектура қолданылды. Жасанды интеллект табиғи тілді өңдеу модельдеріне негізделген. Соның арқасында түйіндеме мен бос жұмыс орындарының мазмұнын жан-жақты талдауға мүмкіндік бар”, – дейді министрлік мамандары.
Жаңа механизм жұмыс берушілерге қажетті кандидаттарды жылдам және нақты іздеуге, ал жұмыс іздеушілерге мансабын жалғастыру үшін қолайлы бос жұмыс орындарын табуға жағдай жасайды. Жасанды интеллект жалақының көлемі, тұрғылықты жері, көшу мүмкіндіктері, дағдылар және тағы басқа параметрлерді ескере отырып, ең тиімді ұсынымдарды шығара алады.
Сонымен қатар, жасанды интеллект көлікті басқарудың автономды жүйелерін құру, маршруттарды оңтайландыру және қозғалыс қауіпсіздігін жақсарту үшін көлік секторындақолданылуы мүмкін. Бұл жол апаттарын және кептелістерді азайтуға септігін тигізеді.
Жалпы, жасанды интеллекттің дамуы адамдардың өмірін жақсартуға, экономиканы дамытуға және елдің халықаралық аренадағы бәсекеге қабілеттілігін арттыруға жаңа мүмкіндіктер ашады. Қазақстан бұл саланы белсенді дамытуға, дарынды мамандарды тартуға және жасанды интеллект саласындағы инновациялар мен стартаптарға қолайлы жағдай жасауға ұмтылады.
