Қазіргі таңда жасанды интеллект қолданбалары аз емес, көп. Бірінен бірі өтеді. Бірақ қазақ тілі ақсап тұрады. Оны мойындамасақ болмайды. Бұл орайда, жасанды интеллект туралы қазақ тіліндегі көпшілікке арналған тұңғыш қолданба QazGPT тексерістен өткізілген. Нәтижесі жаман емес.
Осы орайда аталған қолданбаның авторы Олжас Сүлеймен «Егемен Қазақстан» газетінде өз пікірін білдірді.
– Бұл мәселе менің де жанымды қинайды. Тіпті мына қолданбаның өзі сол қиналыстан туған. Оны жоғарыда да айттым. Қазақ тілді AI қолданбасы қазақ тілді халыққа жасанды интеллектімен танысуға өте үлкен мүмкіндік береді. Білім көкжиегін кеңейтеді. Бір қызық ақпарат айтайын, шетелдік жасанды интеллект модельдерін біздің ҰБТ секілді тестен өткізген екен. Солар 95-99 пайызға дейін дұрыс жауап берген. Бұл құрылғының қаншалықты ақылды екенін көрсетеді. Осындай ақпараттарды көргенде «Ана тілімізде сөйлейтін AI болса ғой» дейтінмін. Міне, көріп тұрғандарыңыздай бар. Тек насихат пен сұраныс жағы жетіспей жатыр. Жасанды интеллект – тез дамып келе жатқан сала. Бүкіл әлемде оның маңызы зор. Ол біздің ғылым мен басқа да әлеуетімізді күшейте түседі. Біздің халық осыны түсінсе ғой деймін, – дейді ол.
Еске сала кетсек, жоспар бойынша елімізде жасанды интеллект саласында жыл сайын 1000 маман дарялануы керек деп жоспарланып отыр. Мемлекет басшысы Қасым-жомарт Тоқаевтың айтуы бойынша, алдағы уақытта кейбір отандық жоғары оқу орындарында «Google» және «Huawei» халықаралық компанияларының тиісті курстары өтпек. Корея мен Қытайдың жоғары оқу орындарымен білім беру және мамандарды бірлесіп даярлау бойынша келісім жасалды. Жасанды интеллект саласында жыл сайын 100 стартап іске қосу бойынша өршіл міндет қойылып отыр.
