Елімізде жасанды интеллект туралы заң жобасы әзірлеу қолға алынды. Осы орайда жасанды интеллект адамның орнын ауыстыра ала ма, кейбір мамандықтардың жойылу қаупі бар ма деген сауалға Цифрлық даму, инновациялар және аэроғарыш өнеркәсібі министрлігінің өкілдері жауап берді.
«Жасанды интеллект кейбір функцияларды алмастырмайды, бірақ толықтырады. Мысалы, консультанттардың жұмысы туралы айтатын болсақ, ол жерде жасанды интеллект қажетті ақпаратты тезірек табады. Аудармашылардың жұмысына келетін болсақ, жасанды интеллект аудармашыларды толығымен алмастыра алмайды. Жасанды интеллект – жаңа мүмкіндіктерді ашады, мәселен мәтінді тексеру және бағалау», – деді Цифрлық даму, инновациялар және аэроғарыш өнеркәсібі министрлігі Инновациялар дамыту департаментінің директоры Дархан Мырзабаев ОКҚ-де брифинг барысында қойылған сауалға жауап бере тұрып.
Оның айтуынша, қазіргі уақытта кез-келген мамандықты жасанды интеллектімен алмастыру туралы ақпарат жоқ.
Ұлттық ақпараттық технологиялар АҚ басқарма төрағасы Ростислав Коняшкин жасанды интеллект арқылы немесе жасанды интеллект моделінде жасалған өнімдерге авторлық құқықтар туралы мәселе Цифрлық даму, инновациялар және аэроғарыш өнеркәсібі министрлігінің бақылауында болатынын айтты.
«Заңнамалық және нормативтік актілер шеңберінде бейнені, музыкалық шығармаларды және тағы басқа жаңашылдықты әзірлеу үшін жасанды интеллектіні қолдануда авторлық құқық реттелетін болады», – деп толықтырды Ростислав Коняшкин.
Айта кетейік, Қазақстанда жасанды инттелект туралы заң жобасы әзірленіп жатыр. Жоспар бойынша елімізде жасанды интеллект саласында жыл сайын 1000 маман дарялануы керек. Жасанды интеллект саласында жыл сайын 100 стартап іске қосу бойынша міндет қойылып отыр.
