Түркістан жоғары көпсалалы, қолөнер колледжінде «Кәмелетке толмағандар арасында құқық бұзушылықтың алдын алу» тақырыбында келелі жиын өтті. Қазіргі уақытта жасөспірімдердің арасындағы құқық бұзушылықтардың алдын алу өзекті мәселе. Құқық бұзушылық — бұл қоғамға зиян келтіретін және заң бойынша жазаланатын қоғамға қарсы әрекет. Жасөспірімдер арасында құқық бұзушылықтың алдын алуда құқытық сана мен құқықтық мәдениетті қалыптастыру негізгі басымдықтардың бірі. Осыны ескерген мамандар колледждің жатақханасында жататын студенттерге құқытық сана мен құқықтық мәдениетті қалыптастыру жолдарын түсіндірді. Қоғамның құқықтық тәрбиесі туралы сөз қозғады.
Құқықтық мәдениетті арттыру, халықтың құқықтық санасын дамыту – тәуелсіз, демократиялық және құқықтық тұрғыдан сауатты мемлекет құруға ықпал ететін азаматтық қоғамды қалыптастырудың маңызды өлшемдері екені даусыз.
Қоғамдағы қылмыс пен құқықбұзушылыққа қарсы күресуі бағытындағы жаңа жүктемелерді толығырақ таныстыру құқық қорғау органдарының міндеті. Осы орайда Түркістан қаласында құқық қорғау органдарының тарапынан түрлі іс-шаралар жүзеге асырылып жатыр.
Кездесу барысында құқық бұзушылықтың алдын алу бойынша түсіндіру және ескерту жұмыстары жүргізілді. Құқықтық тәрбие – кәмелетке толмағандар арасында заң ұғымдарын насихаттай отырып, жасөспірімдерді қажетті заңдылық біліммен қамтамасыз етуді мақсат етеді. Жастарды заңның негізгі принциптерін біліп қана қоймай оны меңгере білуге де үйрету қажет. Студенттер тарапынан сұрақтар қойылып, ол сұрақтар бойынша нақты жауаптар берілді.
