ЖЕТІСАЙ ЖӘНЕ МАҚТААРАЛ АУДАНДАРЫНДА АССАМБЛЕЯ ҚҰРЫЛЫМДАРЫНЫҢ ТӨРАҒАЛАРЫМЕН КЕЗДЕСУЛЕР ӨТТІБүгін Түркістан облысы қоғамдық даму басқармасы “Қоғамдық келісім” КММ-нің жұмыс жоспарына сәйкес, Жетісай және Мақтаарал аудандарында ҚХА құрылымдары төрағаларымен кездесулер өтті.
Жиынға “Қоғамдық келісім” КММ-нің басшысы Эльмира Жанғазиева, аудандардағы ҚХА жанындағы Ақсақалдар, Аналар кеңестерінің төрағалары және этномәдени бірлестіктердің жетекшілері, қоғамдық пікір көшбасшылары қатысты.
Кездесу барысында аудандарда жыл басынан бері атқарылған нәтижелі жұмыстар сараланып, алдағы жоспарлар талқыланды.
Жиында Эльмира Ұласбекқызы Ассамблеяның сан түрлі этнос өкілдерін бір мақсатқа, бір болашаққа топтастыру арқылы елдігіміздің қалыптасу, тәуелсіздігіміздің нығаю тарихында айрықша рөл атқаратынын айрықша атап өтті.
Этномәдени бірлестіктердің жетекшілері Қазақстан халқы Ассамблеясының біріктіруші рөліне назар аударды.
Жиынды қорытындылаған “Қоғамдық келісім” КММ-нің басшысы өңірдегі этносаралық бірлікті нығайтуда бірлесіп жүйелі жұмыс жасалатындығын атап өтті.
