Жол активтері сапасының ұлттық орталығының мамандары жол белгілерін алдын ала тексеруді бастады.
«Жол активтері сапасының ұлттық орталығы» РМК Шымкент қалалық филиалының мамандары жуырда қала көшелерінде орнатылатын жол белгілері мен таңбаларды қатаң тексере бастады. Олар арнайы құрылғылардың көмегімен белгілердің жарыққа шағылысу деңгейін анықтап, таңбалардың талапқа сай болуын қадағалауда.
Орталық мамандарының айтуынша, әзірге өрескел олқылықтар анықталған жоқ. Егер таңбалардың талапқа сай еместігі анықталса, тапсырыс берушіге арнайы хат жолданады.
-Қала көшелеріне орнатылатын жол белгілері орнатылмас бұрын алдын ала 27 дана жол белгісі тексерілді. 100 пайызы нормативтік талаптарға сай келді, – деді «Жол активтері сапасының ұлттық орталығы» РМК Шымкент қалалық филиалының жетекші сарапшысы Сұлтан Ахметов.
Жол белгілері талапқа сай келмеген жағдайда мердігер компания жол белгісін немесе таңбаны талапқа сай етіп шұғыл түрде қайта жасауға міндеттеледі. Себебі жол белгілері қозғалыс қауіпсіздігі үшін өте маңызды рөл атқарады.
