Қазақстанның әлемнің ең дамыған 30 мемлекетінің қатарына кіруі бойынша тәсілдемелерін ескере отырып, 2017 жылы елімізде Киберқауіпсіздік тұжырымдамасы, яғни «Қазақстанның Киберқалқаны» жобасын әзірленген болатын.
Қауіпсіздік ахуалы қуатты және әрекет ете алатын мемлекеттің өлшеміне айналып келеді. Қазіргі заманда адамзат терроризмнің белең алуымен бетпе-бет келіп отыр. Бұл ретте деструктивті күштерді қаржыландыратындарға, шетелдік террористік ұйымдармен байланыс жасайтындарға қарсы күрес жүргізу ісі негізгі мәселе болып саналады.
Киберқауіпсіздік тұжырымдамасы, яғни «Қазақстанның киберқалқаны» жобасын әзірлеу кезінде Малайзия, Сингапур, Великобритания, Германия, Чехия, Франция, Литва, Эстония, Финляндия, Швеция, Швейцария және т.б. секілді елдердің халықаралық тәжірибесі зерделенді.
Тұжырымдаманың мақсаты жаһандық бәсекелестік жағдайларында Қазақстан Республикасының тұрақты дамуын қамтамасыз ететін, электрондық ақпараттық ресурстардың, ақпараттық жүйелер мен ақпараттық-коммуникациялық инфрақұрылымның сыртқы және ішкі қауіптерден қорғалуына қол жеткізу және сол деңгейде ұстау болып табылады.
Қазақстан соңғы жылдарда киберқауіпсіздікті дамытуды нықтап қолға алды. Еліміздің киберқауіпсіздік тұрғысынан алған рейтингтегі позициясы бар-жоғы үш жылдың ішінде 103-ші орыннан 31-ші орынға көтерілді. Ақпараттық қауіпсіздік комитетіне киберқауіпсіздік саласындағы мемлекеттік саясатты іске асыру міндеті жүктелген. Бүгінгі таңда Қазақстанда 40-қа жуық компания, сондай-ақ 19 жеке қауіпсіздік операциялық орталығы, 7 жеке аккредиттелген сынақ зертханасы, 8 жоғары оқу орны және киберқауіпсіздік мәселелерімен айналысатын 25 орта оқу орны бар.
Демек, «Қазақстан киберқалқаны» ұлттық киберқауіпсіздік тұжырымдамасы өз жемісін беріп жатыр деуге негіз бар.
