Қазақстанның өзекті экологиялық проблемалары бойынша
- Каспий және Арал теңіздерінің, трансшекаралық көлдердің (Балқаш және басқа көлдердің) экологиялық жағдайын, олардың қоршаған ортаға, флора мен фаунаға және адам ағзаларына зиянды әсерлерін зерттеуге және зиянды әсерлерді төмендетуге ат салысу.
- Семей және басқа да полигон аймақтарын және полигондардың кері әсеріне ұшыраған аймақтардың экологиялық жағдайларын зерттеуге және оңтайлы шешімдерін қарастыруға ат салысу.
- Еліміздің үлкен қалаларында және Байқоңыр айлағында туындаған экологиялық проблемаларды зерттеуге және оңтайлы шешімдерін табуға ат салысу.
- Климаттың өзгеруіне әсер ететін зиянды заттарды пайдалануды төмендету мен жою мәселесі бойынша зерттеулер жүргізуге және оңтайлы шешімдерін табуға ат салысу.
- Елімізде БҰҰ тұрақты даму мақсаттарының орындалуына ат салысу.
Өңірлік проблемалар бойынша:
- Экономикалық бағыттағы
- Мұнай өнімдеріне тәуелдікті шешуге қабылетті, экологиялық жағынан тиімді және құнарлығы төмен жерлерді қайта ауылшаруашылық айналымға қайтаруға мүмкіншілік беретін Қытай нарығында кеңінен қолданатын биотынның шикізаты сорго және басқа да дақылдарды өсіріп, еліміздің экспорттық потенциалын арттыруды қолға алу.
- Түркістан облысының ауыл шаруашылық өнімдерін өндіруге жоғары мүмкіншіліктерін пайдалана отырып, еліміздің ішкі нарығына қажетті мөлшерде азық-түлік өнімдерін өндіруге және өндірушілерді ынталандыру механизмін қолға алу;
- Өндірілген азық-түлік өнімдерден таза экологиялық тағам өнімдерін өңдеуді қолға алу.
- Әлеуметтік бағыттағы
- Ата Заңымызда жер мен табиғи ресурстар халықтың меншігі деген басты қағидаттың бекітілуіне байланысты табиғи ресурстарды шетел және жеке тұлғалар компанияларынан мемлекетке қайтарылуына, ұлттық байлықты тиімді игеріп, халықтың материалдық жағдайын артуына ат салысу.
- Уран кендері орналасқан Созақ және Отрар аудандарының экологиялық жағдайын толыққанды зерттеу жүргізуді және тұрғындарға зиянды әсерді анықтап, тиісті шешім қабылдауды іске асыру.
III. Білім мен ғылым саласындағы
- Экологиялық проблеманың ушығуына байланысты жаппай экологиялық білім беру үрдісін жандандыру.
- Жастарды жұмыспен қамту мақсатында техникалық, кәсіптік және орта білімнен кейінгі білімге дуалды оқыту жүйесін толыққанды енгізу.
- Жоғары оқу орындарын бітірушілерді жас маман ретінде министрлік тарапынан жұмыспен қамтуды көтеру және іске асыру.
- Өңірлердің нақты экологиялық жағдайын, оның тұрғындар денсаулығына зиянды әсерлер деңгейін анықтау және экологиялық жаңдайды жақсарту мақсатында Ұлттық ғылым академиясы жанынан Экология ғылыми зерттеу институтының ашылуына ат салысу.
