Цифрлық трансформациялау идеясын әлемдік тренд деуге болады. Цифрлық технологиялар көптеген елдердің экономикасын дамытуда маңызды рөлге ие.
«Цифрлық Қазақстан» – еліміз үшін өте маңызды бағдарлама екені сөзсіз. «Ашық» НҚА порталында жарияланған Ғылымды дамытудың 2022-2026 жылдарға арналған тұжырымдамасында Қазақстандық жоғары оқу орындары цифрлық экожүйеге негізделген «Smart-университет» моделіне көшетіні мәім болған. Нақтырақ айтсақ, жоғары оқу орындары цифрлық экожүйесі бар «Smart-университет» моделіне көшеді. Кітапханалар мен олардың жүйелерін цифрлық трансформациялау, жалпы процесте ашық білім беру платформаларын пайдалану, бизнес-процестерді цифрлық форматқа көшіру басым міндеттер болады. Барлық студенттерге әлемдік цифрлық кітапханаларға қолжетімділік беріледі. Цифрлық құзыреттер барлық білім беру және кәсіптік стандарттардың, сондай-ақ оқу-әдістемелік материалдарды әзірлеу кезінде оқытушы-профессорлық құрам үшін міндетті талап болады.
Бұл тұжырымдаманы іске асыру шеңберінде қол жеткізілетін нәтижелер мен әр бағыт бойынша нақты индикаторлар көрсетілген. Дәлірек айтсақ, тұжырымдамадағы шараларды іске асыру шетелдік студенттердің үлесін ұлғайтуға, педагогикалық зерттеулер бойынша шетелдік ғылыми тағылымдамадан өткен оқытушы-профессорлық құрам үлесін 15%-ға дейін арттыруға, сондай-ақ білім беру бағдарламаларының халықаралық аккредитациясын алуға мүмкіндік береді деп жоспарланған. Сондай-ақ, 2026 жылға қарай QS-WUR, ТОП-200 рейтингіне Қазақстанның 2 жоғары оқу орыны енеді деп болжанған еді. Ал ЖОО-ларда оқитын студенттердің жалпы санынан шетел студенттерінің үлесі 5%-дан, 2026 жылға дейін 7%-ға өспек.
Бүгінде еліміздің IT саласында 16 мыңға жуық компания жұмыс істейді. Осы салада еңбек ететіндер саны 182 мың адамға жетті. 2023 жылдың бірінші жартыжылдығында IT қызмет экспорты 247 млн доллардан асқан.
