Дін саласында діни және құқықтық сауаттылықты арттыру бойынша жұмыс шеңберінде Түркістан қаласындағы №8 Нәзір Төреқұлов атындағы жалпы орта мектебінде «Дін саласындағы мемлекеттік саясаттың негізгі қағидаттары және адамның ар-ождан бостандығына құқығы» тақырыбында жиын өтті. Ондағы мақсат – еліміздегі діни сенім бостандығы мен адамдарың дінді ұстану немесе ұстанбау құқығын сақтау және дін саласындағы мемлекеттік саясаттың негізгі қағидаттарын түсіндіру болатын.
Осы ретте айта кетейік, жалпы Қазақстан Республикасында әрбір азаматқа ар-ұждан бостандығына кепілдік берілген және барлық конфессиялар ұстанушыларының заң алдында теңдігі қамтамасыз етілген. Өйткені Қазақстан – зайырлы, демократиялық мемлекет. Мемлекет пен діни бірлестіктердің өзара қарым-қатынастарының принциптері діни сенім бостандығы деңгейі мен мемлекет зайырлылығының көрнекті көрсеткіші болып табылады.
Кездесу барысында №8 Нәзір Төреқұлов атындағы жалпы орта мектебінің оқушыларымен Түркістан қалалық «Дін мәселелерін зерттеу орталығы» КММ-нің мамандары «Дін саласындағы мемлекеттік саясаттың негізгі қағидаттары және адамның ар-ождан мен дін бостандығына құқығы» тақырыбында түсіндірме жұмысын жүргізді.
Кездесу барысында мектеп ұстаздары мен оқушыларына дін саласындағы мемлекеттік саясаттың негізгі қағидаттары және адамның ар-ождан мен дін бостандығына құқығы тұрғысында кеңінен мәлімет берді.
Бүгінгі таңда зайырлы мемлекет үлгісінің негізінде адам мен азаматтардың құқықтары мен бостандықтарына байланысты құқықтық мәселелерді теократиялық мемлекеттерден өзгеше түсінік бар. Бұл жердегі ең бастысы – діннің мемелекеттен ажыратылу қағидаты екені айқын. Мәселен, «зайрлылық» мынайдай саяси құқықтық мағыналарды білдіреді: ар-ождан бостандығы – ол тек діни таңдау бостандығы емес, одан кеңірек – дүниетанымдық, соның ішінде діни емес таңдау. Осы таңдау құқығын мемлекет адамға (азаматқа) қалдырады және оның шешімін қабылдауға, оны қорғауға міндеттенеді; мемлекет азаматтармен қарым-қатынастарда олардың діни көзқарастарына емес, оның азаматтық-құқықтық жағдайына сүйене отырып, азаматтық қағидатты бәрінен де жоғары қояды; мемлекет іс жүзінде барлық діндер мен азаматтардың құқықтық теңдігін жүзеге асыруға ұмтылады және осы қағидаттар дүниетанымдық бірлік негізінде азаматтармен құрылған қоғамдық бірлестіктерге да таралады; діндер (әлеуметтік институттар, көпшілік-құқықтық қатынастардың субьектілері ретінде) мемлекеттік саясатты (діни нанымдарына байланысты емес барлық азаматтарға қатысты саясат) жасау мен жүргізу барысынан аластатылады.
Жиын барысында сөз алғандар осы мәселелерді тілге тиек етті.
Жалпы, мына нәрсені анық ескерген жөн. Қазақстан Республикасының, сонымен қатар басқа мемлекеттердің азаматтары және азаматтығы жоқ адамдар кез келген дінді еркін ұстануға немесе ешқайсысын ұстанбауға құқылы, құдайға құлшылық жасауға, діни жоралар мен рәсімдерге, дінді оқып-үйренуге қатысуға немесе қатыспауға оларды күштеп мәжбүр етуге жол берілмейді. Өз кезегінде, діни сенім бостандығы және діни бірлестіктер туралы Заңның сақталуын бақылауды және қадағалауды Қазақстан Республикасының атқарушы өкімет органдары, прократура және басқа да құқық қорғау органдары заңдарда белгіленген өз құзыретіне сәйкес жүзеге асырады.
