Түркістан қаласындағы «Яссы» орталық мешітінде қала тұрғындарын алкагольге тәуелділікке, темекі шегуге қарсы іс-қимыл жөніндегі шаралар барысында «Арақсыз қала, шарапсыз шаһар» атты тағылымды кездесу өткен болатын. Қаламызда құмар ойындар ойнайтын, есірткі тасымалдайтын жандарды, зиянды әрекеттерді яғни, темекі мен арақ тұтынатын жандарды қоғам боп тәрбиелеу мақсатында қалада көптеген дөңгелек үстелдер мен кездесулер өтуде. Осы шаралардан кейін қаламызда тіпті екі супермаркет, алты дүкен қалада арақ-шарап сатудан бас тартқан. Бұл бір күнде, бір жылда орындала салатын нәрсе емес екендігі айдан анық. Сондықтан қаладағы бас имамдар өзара кеңесіп әрекет жасауда. Бұл мәселеде әрқайсымыз жауапкершілікпен қарауымыз керек. Осындай бастаманың алғаш боп Түркістан қаласында көтеріліп жатқаны да қуанарлық жағдай. Сондай-ақ, қала мешіттеріндегі имамдар әрбір жұма уағызында жиын барысында айтылып, қоғамдағы мәселелер жамағатқа қысқаша түсіндіріп, насихат жұмыстары жүргізілуде.
«Түркістан қаласы арақ-шараптан ада, жезөкшесі жоқ шаһар болады деген бастама осыдан екі жыл бұрын көтерілді. Содан бері екі супермаркет, алты дүкен қалада арақ-шарап сатудан бас тартты. Бұл бір күнде, бір жылда орындала салатын нәрсе емес, сондықтан осындағы облысымыздың, қаламыздың бас имамдарымен кеңесіп әрекет жасап жатырмыз. Бұл мәселеде әрқайсымыз жауапкершілікпен қарауымыз керек. Осындай бастаманың алғаш боп Түркістан қаласында көтеріліп жатқаны да қуанарлық жағдай», – деді ақсақалдар алқасының төрағасы Жарылқасын Әзіретбергенов.
Түркістандық ақсақалдардың Түркістанды «Арақсыз қала, шарапсыз шаһарға» айналдыру бағытында көтеріп отырған мәселесі де орынды. Осы бағытта жұмысты күшейту керек. Басты мақсат – облыс аумағын қауіпсіз аймақ ету. Саналы ұрпақ тәрбиелеуде ана мен бала құқығын қорғаудың маңызы зор. Өңірдегі Жастар ресурстық орталықтары жанынан «Әлеуметтік – психологиялық сүйемелдеу қызметі» секторлары жұмыс істеуде. Жыл басынан бері облыс аумағындағы 6 секторда 1 мыңнан астам адамға қызмет көрсетілді. Оның ішінде, 573 (55,7%) – әйелдер, 255 (24,8%) – кәмелетке толғамағандар, 162 (15,8%) – ерлер азаматтар, 38 (3,7%) – қарттар. «Amanat» партиясының сайлауалды «Өзгерістер жолы: Әр азаматқа лайықты өмір!» атты бағдарламасын орындау жөніндегі жол қартасына сәйкес 2025 жылға дейін әрбір қала мен ауданда отбасын қолдау, отбасылық жанжалдарды шешу және балалары бар әйелдерге уақытша мекен беру жөніндегі 234 «Отбасын қолдау орталығын» ашу жоспарланған. Түркістан облысында биыл 3 орталық, жалпы 4 жылда 16 орталық ашу көзделген.
