ҚР Терроризмге қарсы орталығының және облыс әкімі Д.Сатыбалдының тапсырмасына сәйкес Сайрам аудандық «Қ.Жандарбеков» атындағы мәдениет үйінде Қазақстан мұсылмандары діни басқармасының дін қызметкерлері мен сала мамандарына «Деструктивті діни ағым жақтаушыларын оңалту жұмыстары бойынша семинар-тренинг» болып өтті.
Семинарға Қазақстан мұсылмандары діни басқармасының Төраға орынбасары, наиб мүфти Шоқанов Сансызбай қажы Құрбанұлы, Діни оңалту бөлімінің меңгерушісі Аманқұлов Хасан Ташайұлы, Түркістан облысы дін істері басқармасының басшысы Рүстем Сабыржанұлы, Түркістан облысының бас имамы Ержан қажы Сматұлы, қала, аудан бас имамдары мен діни оңалтуға жауапты мамандар және БАҚ өкілдері қатысты.
Семинардың басты мақсаты деструктивті діни ағым жақтастарымен оңалту жұмыстарын жүзеге асыратын имамдардың біліктілігін арттыру. Сондай-ақ білім алудың және оны өзгелермен бөлісудің маңызы, жат діни ағымдардың алдын алуда Ақиданың (Сенім) маңызы мен жастарды жат діни ағымдардан сақтандыру және ғаламтор беттеріндегі түрлі деструктивті сипаттағы кереғар діни ағымдар мен олардың радикалды бағыттағы уағызшыларына, әдебиеттеріне қарсы тұратын бірыңғай иммунитет қалыптастыру.
Елімізде бүгінгі күнде радикалдық діни ағымдардан келетін қауіп-қатерлерді халық арасында кеңінен түсіндіру шаралары қолға алынып жатыр. Бұқаралық ақпарат құралдарында осы тақырыптарға қатысты мазмұнды мақалалар жарияланып, телеарналар мен радиоларда дін мәселелерін қозғайтын бағдарламалар мен хабарлар көптеп берілуде. Одан бөлек, қоғамда ғылыми және шығармашылық зиялы қауым, үкіметтік емес ұйымдар мен жастар ұйымдарының өкілдері, жұртшылық арасында беделге ие азаматтар теріс сипаттағы керағар діни ағымдардың қаупі туралы түсіндіру жұмыстарын жүргізіп келеді. Қазіргі күнде Қазақстанның барлық өңірлерінде дін мәселелеріне арналған 500-ден астам ақпараттық-насихат топтары жұмыс істеуде.
Аталған ақпараттық-насихат топтарының құрамында діни салада түсіндіру және профилактикалық жұмыстар жүргізетін мемлекеттік органдардың өкілдерімен қатар теологтар, дінтанушылар, діни бірлестіктердің өкілдері енген. Осы орайда, өткен жылы ақпараттық түсіндіру мақсатында өткізілген іс-шаралардың 1,3 миллионнан астам адамды қамтығанын айта кеткім келеді. Бұл мемлекеттік органдардың азаматтық қоғам институттарымен бірлесіп жүзеге асырып отырған іс-шараларының бір тұсы ғана. Әрине, осындай маңызды істерге азаматтарды көптеп тарта түсу еліміздің рухани қауіпсіздігін нығайта түсетіндігі сөзсіз. Бүгінгі күнде мемлекеттік органдар тарапынан діни ахуал және оған қатысты үдерістерді зерттеудің өзекті тақырыптарын жасақтауда, сонымен қатар, діни мәселелердің әртүрлі аспектілеріне арналған ғылыми-талдау жұмыстарына еліміздің ғалымдарын кеңінен тартуға мүдделілік туындап отыр.
Қазіргі уақытта Түркістан облысының аумағында заңсыз жүрген шетелдіктерді анықтау, сондай-ақ олардың тарапынан қылмыстар мен өзге де құқық бұзушылықтардың алдын алу және жолын кесу бойынша жедел-профилактикалық іс-шаралар жүргізіліп жатыр. Осыған байланысты діни экстремизм мен терроризмге қарсы іс-қимыл саласындағы Түркістан облысы полиция департаментінің экстремизмге қарсы іс-қимыл басқармасымен шетелдіктермен заңсыз көші-қон заң талаптарын бұзғандарды анықтау, сондай-ақ оларға қатысты жедел-іздестіру және жедел-профилактикалық іс-шараларын жүргізу бойынша оқу сабақтары өткізді. Аталған оқу сабақтары экстремизмге қарсы іс-қимыл басқармасының бастығының орынбасары Қ.Жумадилдаевтың басшылығымен өткізілді, оған полиция департаментінің қалалық, аудандық басқарма, бөлімідерінің көші-қон, криминалдық полиция және жергілікті полиция қызметінің жауапты қызметкерлері қатысты.
