Түркістан облысының тұрғындары назарына кибершабуылдан сақтану жолдары түсіндіріледі. Соңғы уақыттарда интернет адам өмірінің ажырамас бөлшегіне айналды, әсіресе пандемия кезінде оның маңызы арта түсті. Әлеуметтік желі дамыған сайын, түрлі интернет алаяқтығы тіркелуде. Ақпараттық қақтығыс заманы әлемді жаулап бара жатқандай. Айта кетейік өткен жылы Қазақстанда 8 мың кибершабуыл тіркелген. Ғаламдық цифрландыру ғасырында ақпараттық қауіпсіздік мәселелері, сонымен қатар пайдаланушылардың сандық сауаттылығын арттыру мен ақпараттық қоғамның қауіпсіздігін қамтамасыз ету мәселелері бұрынғыдан да өзекті болып отыр.
Көптеген қызмет салалары цифрланып, адамдардың жеке деректеріне қауіп төнді. Осы орайда ҚР ҰҚК Компьютерлік инциденттерге әрекет ету қызметі (KZ-CERT) жеке деректерді киберқылмыскерлерден қорғау бойынша бірнеше ұсынымдар беріліп келеді.
Компьютерлік инциденттерге әрекет ету қызметі – компьютерлік қауіпсіздік қауіптерінің алдын алуда пайдаланушыларға консультативтік және техникалық қолдау көрсететін, компьютерлік инциденттер жөніндегі ақпараттарды жинайтын және талдайтын бірыңғай орталықтар саны артып келеді. Алайда мұнымен киберқауіптің дені бет қаратпай келеді. Сонымен ел көлемінде анықталған дәйектерге тоқталсақ.
Қазақстанның киберқауіпсіздігі қандай деңгейде?
Мемлекеттердің киберқауіпсіздік деңгейін бағалайтын Жаһандық киберқауіпсіздік индексіне сәйкес, 2018 жылы Қазақстан бір жылда 83-орыннан 40-орынға дейін 43 позицияға көтерілді. ТМД елдері арасында Қазақстан Ресейден кейін екінші орынды иеленді, сондай-ақ үздік бестік қатарына Өзбекстан, Әзірбайжан және Беларусь енген.
Ақпараттық қауіпсіздік бойынша өткен жылы Қазақстанда 20 мыңнан астам хакерлік шабуыл тіркелген. KZ-CERT қызметіне азаматтар vishing, зиянды бағдарламалық жасақтама, бұзу, ақаулар мен ботнеттер оқиғалары бойынша жиі жүгінеді.
