Өздеріңізге мәлім, “Әділетті Қазақстан: бірлік, тұрақтылық, даму” тақырыбында өткен Қазақстан халқы Ассамблеясының ХХХII (32-ші) сессиясында еліміздің Президенті Қасым-Жомарт Кемелұлы Тоқаев алда атқарылатын жұмыстарда бес негізгі басымдыққа мән беруді ұсынды. Осы бағытта Түркістанда “Фараб” кітапханасында «Түркістан – татулық тұғыры» атты Түркістан облыстық Қазақстан халқы Ассамблеясының ХХV сессиясы өтті. Кездесуге ҚР Ақпарат және қоғамдық даму министрлігі Этносаралық қатынастарды дамыту комитетінің төрағасы Ғалым Шойкин, ҚР Парламенті Сенатының депутаты Алишер Сатвалдиев, Түркістан облысы әкімінің орынбасары Бейсен Тәжібаев қатысып, сөз сөйледі. Сонымен қатар, сессияда Арыс қалалық полиция бөлімінің учаскелік полиция инспекторы Крокус Михаил мен «Ассамблея жастары» республикалық қоғамдық бірлестігі Түркістан облыстық өкілдігінің жетекшісі Индира Раван-Нахчивани баяндама жасады.
«Өздеріңізге мәлім Қазақстан халқы Ассамблеясының ХХХII сессиясында еліміздің Президенті Қасым-Жомарт Тоқаев алда атқарылатын жұмыстарда бес негізгі басымдыққа мән беруді ұсынған болатын. Бұл басымдықтарды іске асыру үшін облыстық Ассамблея, жергілікті атқарушы және құқық қорғау органдары, жоғары оқу орындары, зиялы қауым мен үкіметтік емес ұйымдары бірлесе, нақты нәтижеге бағытталған жұмыстарды іске асыруы тиіс. Осылайша өңірімізде жылдар бойы қалыптасқан этносаралық бірлік пен татулық үлгісін сақтау басты мақсатымыз болуы қажет деп білемін. Қоғамдық келісім мен жалпыұлттық бірліктің қазақстандық үлгісі әлемдегі табысты жобалардың бірі болып саналады. Оның ішінде бірлігіміз бен татулығымызға сына қаққысы келетін кез келген арандатушылық әрекетке батыл түрде тосқауыл қою. Этноәлеуметтік шиеленістің шығу себептерін жою үшін нақты шаралар қабылдау. Көпмәдениетті ортаны дамытып, барлық азаматтың мемлекеттік тілді меңгеруі үшін жүйелі қадамдар жасау. Ассамблеяның саяси партиялармен және мемлекеттік органдармен өзара қарым-қатынасын күшейту және мемлекеттік этносаясаты біртұтас, дәйекті түрде жүргізу. Бұл басымдықтарды іске асыру үшін облыстық Ассамблея, жергілікті атқарушы және құқық қорғау органдары, жоғары оқу орындары, зиялы қауым мен үкіметтік емес ұйымдары бірлесе, нақты нәтижеге бағытталған жұмыстарды іске асыруы тиіс. Осылайша өңірімізде жылдар бойы қалыптасқан этносаралық бірлік пен татулық үлгісін сақтау басты мақсатымыз болуы қажет. Қазіргі таңда облысымызда Ассамблея жанындағы 11 этномәдени бірлестік, Ақсақалдар, Аналар, Медиация кеңестері елеулі мәселелерді талқылаудың, сындарлы шешімдер қабылдаудың әмбебап диалог алаңына айналған. Қайырымдылық шараларға ұйытқы болып, жас ұрпаққа жанашырлық қасиеттерін дәріптеп келеді. Осы орайда, облыстық Ассамблеяның қатысуымен этносаралық татулық, қоғамдық келісім мен жалпыұлттық бірлікті насихаттау мақсатында түрлі 150-ден астам іс-шара өткізіліп,15 мыңнан астам облыс тұрғындары қатысты.
Президент, азаматтардың мемлекеттік тілді меңгеру мәселесі – саясатымыздың стратегиялық бағыты болатыны және азаматтық интеграцияның пәрменді құралы мен мәдени-рухани бірліктің бейнесі екендігін атап өтті. Бүгінгі таңда өңірімізде мемлекеттік органдар мен ұйымдарда құжат айналымы 100 пайыз мемлекеттік тілде жүргізілуде. Облысымызда мемлекеттік тілді меңгерген халықтың үлесі 95 пайызды құрайды. Ал, этнос өкілдерінің арасында қазақ тілін меңгергендердің саны 74 пайызға жетті. Облыста қазіргі таңда 17 тілдерді оқыту орталығы жұмыс жүргізуде және аталған орталықтарда 1600-ге жуық облыс тұрғыны мемлекеттік тілді үйренуде. Бұл бағыттағы жұмыстарды жандандыру біздің басты назарда қалаберетін болады. Біз көзқарастарымыздың, наным – сенімдеріміздегі айырмашылықтарға қарамастан, бір-бірімізді түсінуге және құрметтеуге тиіспіз. Бүгінгі таңда облыс аумағында 1000 жалпы орта мектептің 226-сы аралас тілді мектептер. Бұл мектептерде 180 мыңнан астам балалар тәлім мен тәрбие алуда. Еліміздің ынтымағы мен бірлігін сақтау үшін ең алдымен, өскелең ұрпақты балабақшадан бастап, достыққа, бір-біріне деген құрмет пен ұлттар арасындағы өзара сыйластыққа тәрбиелеуге сонымен қатар татулық пен бірлік – табысты мемлекет болудың басты кепілі екендігін әрдайым дәріптеуіміз қажет”,-деді Бейсен Дәулетұлы.
Ел Президенті, Ассамблеяның саяси партиялармен және мемлекеттік органдармен өзара қарым-қатынасын күшейту керектігіне тоқталып, этносаралық қарым-қатынас саясатында сөз бен іс бір жерден шығу керектігін айтып, сайлауалды тұғырнамасы мен стратегиялық құжаттарды басшылыққа алуды тапсырды. Қазақстан халқы Ассамблеясы мен оның жанындағы құрылымдар жалпыұлттық маңызы бар жобаларды жемісті жүзеге асырып келеді. Облысымыз халқы тығыз орналасқан өңірдің бірі. Осыған орай, 2015 жылдан бері елімізде жұмыс күші жетіспейтін Солтүстік өңірлерге халықты қоныстандыру жұмыстары жүргізіліп, жалпы облыстан 11 892 отбасы қоныс аударған. Биыл Республикада бөлінген 6 727 квота негізінде Түркістан облысынан 73 отбасы, 257 адам Солтүстік өңірлерге қоныс аударды. Қазіргі таңда 509 отбасы (шамамен 2 000 адам) қоныс аударуға ниет білдіріп отыр. Өңіріміздің халқы тығыз орналасқан елді мекен тұрғындарының әлеуметтік тұрмыс жағдайларын жақсарту мақсатында берілген барлық мүмкіндіктерді пайдалануға шақыруымыз қажет.
“Елдегі қоғамдық келісім мен жалпыұлттық бірлікті нығайтуда жауапкершілікті сезініп, Мемлекет Басшысының айқындаған басымдықтарын нәтижелі орындау үшін облыс тұрғындарын бірлікке шақырамын. Біз, Қазақстан халқы Ассамблеясының мүшелері, Президенттің бастамаларын толық қолдай отырып, күш-жігерімізді елімізді бұдан да қуатты елге айналдыру жолында жұмысымызды жалғастыратын боламыз. Отанымыздың тарихындағы осы жауапты кезеңде әрқайсымыз Тәуелсіздігіміздің басты құндылығы – бірлік пен келісімді көздің қарашығындай сақтайтындығымызға сенемін!”,- деді Бейсен Дәулетұлы.
Осы орайда, облыстық Ассамблеяның қатысуымен этносаралық татулық, қоғамдық келісім мен жалпыұлттық бірлікті насихаттау мақсатында түрлі 150-ден астам іс-шара өткізіліп, 15 мыңнан астам облыс тұрғындары қатысқан. Сонымен қатар, бүгінде «Серпін», «Алғашқы жұмыс орны», «Жастар практикасы», «Жас кәсіпкер», «Бизнес бастау», «Дипломмен ауылға» бағдарламалары, жаңа бизнес-идеялар үшін гранттар беру, жеңілдетілген шағын несие үлестіру, колледждерге бөлінген гранттарға этнос өкілдерін тарту бойынша жұмыстар жүргізілуде.
«Қоғамда этнос өкілдерінің этникалық шығу тегіне, діни ұстанымы мен әлеуметтік мәртебесіне орай оларды ешкім кемсітпеуі тиіс. Осы тұрғыда әрбір азамат өзі жасаған әрекетіне заңмен жауап беріп, оның құқықтық салдары қандай болатынын нақты түсінуі керек. Осы тұрғыда халық арасында ақпараттық түсіндіру жұмыстарын тиімді жүргізу, мемлекеттік органдардың жұмысына инновациялық әдістерді енгізу, Ассамблеяның қоғамдық құрылымдары және этномәдени бірлестіктерінің әсіресе жергілікті жерлерде әлеуетін дұрыс пайдалану маңызды. Сонымен қатар, этнос өкілдерінің қазақ халқының маңына топтасып, қазақ ұлтының құрамдас бөлігіне айналуы барлығымыздың ортақ мақсатымыз болуы шарт. Бұдан бөлек, қоғамдық келісімді нығайту және ұлттық бірлікті қалыптастырудағы БАҚ өкілдерінің рөлін күшейту маңызды. Сондай-ақ, жаңа коммуникация мен масс-медианың ұлттық бірегейлікті қалыптастырудағы рөлі ерекше екендігі мәлім. Ақпараттық кеңістікті ұтымды пайдалану арқылы мемлекеттік тілді қолдану аясын кеңейтіп, этностар арасындағы қазақ тіліне деген қызуғылышықты арттыруға қол жеткізуге болады деп есептейміз»,- деді Ғалым Нұрмағанбетұлы.
Бүгінгі таңда өңірімізде мемлекеттік органдар мен ұйымдарда құжат айналымы 100 пайыз мемлекеттік тілде жүргізілуде. Облысымызда мемлекеттік тілді меңгерген халықтың үлесі 95 пайызды құрайды. Ал, этнос өкілдерінің арасында қазақ тілін меңгергендердің саны 74 пайызға жетті. Облыста қазіргі таңда 17 тілдерді оқыту орталығы жұмыс жүргізуде және аталған орталықтарда 1600-ге жуық облыс тұрғыны мемлекеттік тілді үйренуде.
