Түркістан қаласындағы спутниктік робот техникасы үйірмесіндегі оқушылар бір жыл ішінде айтарлықтай жетістіктерге қол жеткізген. Олар ғарыштағы наноспутникпен байланыс орнатып, ауа температурасы, қысым, ылғалдылық пен ауаның ластануы туралы мәліметтер жинаған екен. Былтырғы жылы атмосфераның жоғарғы қабатына, сенсорлармен және камералармен жабдықталған салмағы 1-ден 10 келіге дейін ғана болатын шағын ғарыш аппараттарын, яғни, 2 заманауи наноспутник ұшырылып, атмосфераға қатысты біршама ақпарат алыныпты. Болашақ ғалымдар жұлдызды аспанды зерттеуге көмектесетін тағы бір наноспутник құрастыруды жоспарлап отыр. Сонымен қатар өңірде осы сынды аспан әлемін зерттеуге арналған бірнеше жоба қолға алынып, жүзеге аспақ. Өңірдегі атқарылып жатқан ғылым саласындағы жұмыстар өз жалғасын табатын болады.
Ел көлемінде жалғыз спутниктік робототехника үйірмесі – Түркістанда ашылған. Аталған үйірмеде бас аяғы 30-ға жуық оқушы STEM курстарына қатысып, инженерлік дағдыларды игеріп келеді.
Айта кетейік, бұл үйірмедегі хаб ашылғаннан кейін көп ұзамай-ақ, қазан айында Түркістаннан 50 шақырым жерде атмосфераның жоғарғы қабатына ультразаманауи 2 наноспутник ұшырылған. Салмағы 1-10 келі аралығындағы шағын ғарыш аппараттары бірнеше камера және сенсорлармен жабдықталыпты. Қазір ол наноспутниктердің көмегімен ауа температурасы, қысымы, ылғалдығы және ластануы туралы мәліметтер жинақталып жатыр.
Робототехника – болашақтың емес, бүгінгі күннің құралына айналды. Әлемде қоғамның әртүрлі салаларында роботтар кеңінен пайдаланылады. Мәселен, дроньдар түсірілім жасап, роботтар космосты зерттеп жатыр. Өркениеттің маңызды жетістігін пайдаға жарату – заман сұранысы. Ең маңызды жайттардың бірі – қазіргі таңда робототехниканы тек ғалымдар ғана емес, оқушылар да игеріп жатыр. Оған қазақстандық оқушылардың әлемдік чемпионаттардағы жетістіктері – дәлел. Елімізде роботехниканы жетік меңгерген, талантты балалар аз емес.
