Түркістан қаласының тұрғындарының назарына цифрландыру қарқыны жайында мағлұматтарды ұсынамыз. Цифрландыру қарқыныэкономиканың дамуына зор ықпал етіп, бүгінгі күн тәртібінің бағыт-бағдарын айқындап берді.
“Бұл үрдістің Қазақстан үшін аса маңызды екенін анық түсінеміз. Басқаша айтқанда, цифрландыру біз үшін ұлттық маңызы бар мәселеге айналды. Біз Еуразиядағы ең ірі әрі озық цифрлық хабтардың бірі болуды көздеп отырмыз. Адами капитал шешуші рөл атқаратыны бәрімізге де мәлім. Бірақ цифрлық трансформацияға кедергі келтіретін де осы – адами фактор. Цифрлық үдерістерді басқару үшін цифрлық сауаттылыққа және білімге баса мән беруіміз қажет екенін түсінуге тиіспіз”, деді Қасым-Жомарт Тоқаев.
Таяуда әлемдегі 62 ел Орталық Азияның орнықты дамуы үшін Қазақстанда Біріккен Ұлттар Ұйымының цифрлық шешімдер орталығын құру туралы бастамасын бірауыздан қолдады. Бұл орталық мемлекеттер арасында “цифрлық тосқауылдардың” пайда болуының алдын алуға бағытталған жаһандық, өңірлік және ұлттық мүддені жұмылдыруға арналған.
“Біздің адамдар жаңа идеяларды қабылдауға, жаңаша ойлау мен жаңа нәрсе ойлап табуға бейімделуі керек”, – деп сөзін түйіндеді Президент.
ҚР Цифрлық даму, инновациялар және аэроғарыш өнеркәсібі министрлігінің хабарынша, жаңа заңның инновациялар мен цифрландыруды дамытудағы маңызы зор. Әсіресе, мемлекет пен халық арасындағы байланысты жақсартып, «Естуші мемлекет» ұстанымының шынайы өмірде жұмыс істеуін қамтамасыз етпек. Цифрландыру заңы қандай қоғамдық-әлеуметтік мәселелерді шешеді? Айтылып жүрген түрлі пікірлердің негізінде басты артықшылықтарын ұсынамыз.
