Кентау қаласы бойынша жалпы халық саны 103 747 адамды құрайды(қала халқы – 72120 адам, ауыл-31627 адам), қаланың жер аумағы 52,7 мың га. Қаланың құрамына 4 ауыл кіреді.
Жалпы халықтың 39,8 мың адамы экономикалық белсенді, оның ішінде жұмыспен қамтылғаны 37,7 мың адам, жұмыссыздар 2168 адам, жұмыссыздық деңгейі 5,2%.
Жалпы өнім көлемі 30,1млрд. теңгені құрап, 2021 жылдың сәйкес кезеңімен салыстырғанда 93,9% құрады.
Кентау қаласының 2022 жылдың 9 айының қорытындысы бойынша қалалық бюджет кіріс бөлігі 23,2 млрд теңге болып,100,3 % орындалды.
Жеке табыстың (кірістердің) жоспары 106,6% орындалып, жоспарлы 1,2 млрд теңгенің орнына 1,3 млрд теңге түсті.
202 жылдың 1 қазанға бюджеттің шығыс бөлігі 23,4 млрд. теңгені құрап, 100 % игерілді.
Өнеркәсіп өнімін өндірудің негізгі үлесі 3 ірі, 17 орта және шағын кәсіпорындар есебінде.
Өнеркәсіп саласында өнім көлемі 30,2 млрд. теңгені құрап, жоспар (27,1 млрд. теңге) 111,4 % орындалды.
Ауыл шаруашылығы саласында жалпы өнім көлемі 8,2 млрд.теңгені құрады. Жоспар 8,1 млрд теңге (100,2 %) .
Негізгі капиталға тартылған инвестиция көлемі 22,3 млрд.теңгені құрап, жоспар (17,5 млрд. теңге) 127,4% орындалды.
2022 жылдың 9 айының қорытындысымен 4,5 млрд теңгені құрап, өткен жылдың сәйкес кезеңімен салыстырғанда (жоспар 6,2 млрд) 73,0 % болды.
Пайдалануға берілген тұрғын үйдің жалпы алаңы 21,8 мың шаршы метрді құрап, жоспар (13,9 мың шаршы метр) 157,6% орындалды.
2022 жылдың 9 айының қорытындысымен өткізілген тауар көлемі 6,3 млрд.теңгені құрап, өткен жылдың 9 айымен салыстырғанда 100,8% өсті.
2022 жылдың 9 айдың қорытындысымен тіркелген шағын және орта бизнес субъектілерінің саны 5061 бірлікті, оның ішінде белсенді субъектілерінің саны 4962 бірлікті (98,0%) құрады.
Кентау қаласы бойынша 2020-2025 жылдары өңірлер кәсіпкерлігін қолдау картасы аясында іске асырылатын жалпы құны – 6,33 млрд. теңгеге 2 жоба, онда 317 жұмыс орны ашылу жоспарланған.
Атап айтсақ, «Rich Investment» ЖШС «Техногендік-минералды түзілімдердің өрескел қорғасын өндіру тау-кен металлургия кешенінің құрылысы» жобасы. Жоба құны 1,8 млрд.теңге. Іске асыру мерзімі 2024 жыл. Жаңадан ашылатын жұмысшылар саны 117 адам).
«ГРК «Металлинвест» ЖШС-нің «Барит концентратының өндірісімен Ансай кен орынының барит кеніне өнеркәсіптік қазба жұмыстарын жүргізу» жобасы. Жоба құны 4,5 млрд.теңге. Іске асыру мерзімі 2024 жылы. Жаңадан ашылатын жұмысшылар саны 200 адам).
Сонымен қатар, 2023 жылы «КазОйлЭнерджи» ЖШС бұрынғы Кентау кен байыту фабрикасын қалпына келтіріп, өнеркәсіп қалдықтарын қайта өңдеу бойынша өндірісті іске қосылуы жоспарланған. Жоба құны 24 млрд.тнг. Жаңадан ашылатын жұмыс орны 600 адамды құрайды. Қазіргі таңда ҚР Экология, геология және табиғи ресурстар министрлігіне «КазОйлЭнерджи» ЖШС-нен техногенді қалдықтарды өңдеу бойынша түскен сұранысын қолдауға және лицензия мәселесі бойынша хат жолданды.
Арнайы экономикалық аймақта 2 жоба (2,9 млрд.тнг., 80 жұмыс орны) іске асырылған.
-«Темір Бетон» ЖШС «Бетон бұйымдарын өндіру жобасы» “TURKISTAN” арнайы экономикалық аймақ қатысушылардың тізіліміне енгізілген. Жобаның құны 1,2 млрд. құрайды. Ашылған жұмыс орны – 30 адам.
-«Almaty NS-Group» ЖШС «Кірпіш шығару» жобасы “TURKISTAN” арнайы экономикалық аймақ қатысушылардың тізіліміне енгізілген. Жобаның құны 1,7 млрд. құрайды. Ашылған жұмыс орны – 50 адам.
Кентау қаласындағы индустриалдық аймақ 25 га жерді құрайды. Индустриалдық аймақтақұны 2,7 млрд.теңгені құрайтын, 219 жұмыс орнын қамтитын, 8 жоба орналасқан.
«Кентау» индустриалды аймағында орналасқан қосалқы трансформаторлық станциясы арқылы электр қуатын тұтынуы орта есеппен 3МгВ/сағ. Жалпы электр қуатын 6МгВ/сағ дейін тұтыну мүмкіндігі бар.
Жаңғырту жұмыстары нәтижесінде, электр қуаттылығын 18МгВ/сағ дейін арттыру жоспарлануда.
Барлығы 8 жоба бар.
Іске асырылғандары – 5 жоба (2,7 млрд.тнг., 219 жұмыс орын);
- ЖШС «ЮгЭлектроПривод» тоқ және кернеу ажыратқыштарын, айырғыштарын, өлшегіш трансформаторларын шығару жобасы. Жобаның құны 828 млн.тг, 2015 жылы іске асырылған. 50 адам жұмыспен қамтылған.
- ЖШС «ЭлектроДеталь» – 35-110-220 трансформаторлар үшін металлқұрылымдар жасайтын және электрооқшаулар бөлшектерін шығару жобасы. Жобаның құны 816 млн.тг, 2016 жылы іске асырылған. 50 адам жұмыспен қамтылған.
- ЖК “Ауэзов” – кислород өндіру цехы. Жобаның құны 45 млн.тг, 2020 жылы іске асырылған. 10 адам жұмыспен қамтылған.
- ЖШС “Бесқасқа” асфальт-бетон қоспасын өндеу зауыты. Жобаның құны 189,5 млн.тг, 2021 жылы іске асырылған. 20 адам жұмыспен қамтылған.
- ЖК «Таженов» штукатурка торын шығару цехы. Жобаның құны 55 млн.тг, 2021 жылы іске асырылған. 10 адам жұмыспен қамтылған.
Жоспар 3 жоба (750 млн.тнг., 79 жаңа жұмыс орыны ашылады);
- «МЖ-Алихан» ЖШС темірбетон бұйымдарын жасау жобасы. жобаның құны 92 млн.тг, ашылатын жұмыс орыны 25 адам. Іске асырылу мерзімі 2022 жылдың соңы.
- «Сим-Тас» ЖШС керамзит кірпіш өндеу зауыт құрылысы. Жобаның құны 458 млн.тг, ашылатын жұмыс орыны 29 адам. Іске асырылу мерзімі 2022 жылдың соңы.
- «Вereke Құрылыс Сервис» ЖШС жол битумдарын өндіруге арналған зауыт құрылысы. Жобаның құны 200 млн.тг. Ашылатын жұмыс орыны 25 адам. Іске асырылу мерзімі 2023 жылдың соңы.Аз қамтылған 1587 отбасы, 8345 адамға 615,9 млн. теңге (АӘК) атаулы әлеуметтік көмек төленді, оның ішінде 157 адам жұмыспен қамтылды.
Мүгедектігі бар адамдарға, қарттарға арнаулы әлеуметтік қызмет көрсету мақсатында 19 қыркүйекте әлеуметтік қызмет көрсету орталығы құрылды.
Қалада 5470 мүгедектігі бар азаматтар тұрады (қала халқының 5,5%). Оның ішінде І топ- 355, ІІ топ- 2789, ІІІ топ- 2143 адам, мүгедектігі бар балалар саны – 183.
- экономикалық белсенді халық саны- 39,8 мың адам,
- жұмыспен қамтылғаны-3,7 мыңадам;
- жалдамалы жұмысшы- 19,3 мың адам;
- өзін-өзі жұмыспен қамтығаны- 18,4 мың адам.
- Жұмыссыздық деңгейі-5,2% құрады.
«Ұлттық жоба» мемлекеттік бағдарламасы аясында 5034 адам қамтылды. Оның ішінде:
- 30 адам қысқа мерзімдік кәсіптік оқытуға жолданды (жоспар 30);
- 182 адамға мемлекеттік грант ұсынылды (жоспар 173);
- 1912 адам тұрақты жұмыс орнымен қамтылды;
- 1764 уақытша жұмыс орнымен қамтамасыз етілді (215 адам– әлеуметтік жұмыс орындары; 320 – жастар практикасы; 1193 – ақылы қоғамдық жұмыс, 36 – алғашқы жұмыс орындары).
10 мың тұрғынға 100 тұрақты жұмыс орнын ашу бойынша 572 жоспар бекітіліп, 804 жаңа жұмыс орны құрылды. Жоспар 140% орындалды.
«Жұмыспен қамту жол картасы» бағдарламасы аясында 10 инфрақұрылымдық жоба бойынша 127 жұмыс орындарын ашу жоспарланып, 118 жұмыс орындары құрылып (жоспар 93% орындалды), міндетті зейнетақы аударымдары 61%-ға аударылды.
Жыл басынан мүгедектігі бар азаматтарды оңалтудың жеке бағдарламасына сәйкес қажеттіліктің 95% қамтылды (2643). Жыл соңына дейін 97% қамту жоспарлануда.
– Сурдотехникалық құралдарға өтініш 59 қамтылды 59 (орындалуы 100%);
– Тифлотехникалық құралдарға өтініш 205, қамтылды 203 (орындалуы 99%);
– Қоларбаға өтініш 105, қамтылды 103 (орындалуы 95,2%);
– Санаторлы-курорттық емделуге өтініш 364, қамтылды 313 (орындалуы 86%);
– Жеке көмекшіге өтініш 188, қамтылды 187 (орындалуы 99,5%);
– Протездік-ортопедиялық құралдарға өтініш 375, қамтылды 322 (орындалуы 85,9%);
– Ымдау тілі маманына өтініш 89, қамтылды 89 (орындалуы 100%);
– Міндетті гигиеналық құралдарға өтініш 1392, қамтылды 1370 (орындалуы 98,4%);
Кентау қаласы мен оған қарасты ауылдар 100% ауыз сумен қамтылған. Оның ішінде,Ащысай ауылында ауызсу 12 сағат берілуде.
Ащысай ауылын тәулігіне 24 сағат ауыз сумен қамтамасыз ету үшін 68,2 млн. теңге қаржы бөлініп, құрылыс жұмыстары жүргізілуде.
Сонымен қатар, Республикалық бюджеттен «Шұғыла» мөлтекауданы №6, №7, №8 көшелерінің инженерлік инфрақұрылым құрылысы» сыртқы сумен қамту желілеріне – 126,3 млн. теңге қаралған. Нысан 2023 жылға өтпелі. Нәтижесінде 377 жеке тұрғын-үй ауыз сумен қамтылатын болады.
Кентау қаласының 75 % кәріз жүйесімен қамтылған, ұзындығы 97,8 шақырымды құрайды, тозуы 90%. Кәріз жүйесіне қосылған абонент саны 14 152.
Кәріз жүйесін ағымдағы жөндеу жұмыстарына 164 млн.теңгеге келісім шарт түзіліп, облыстық бюджет есебінен 100 млн.теңге бөлінді. Жөндеу жұмыстарын аяқтау 2023 жылға жоспарланған.
«Кентау қаласындағы кәріз су тазарту станциясы мен су тазарту құрылымдарының құрылысы» жобасының техникалық экономикалық негіздемесі (ТЭН) әзірленіп, сараптамаға ұсынылды. Сонымен қатар, суды табиғи жолмен буландыру үшін 100(га) жер телімі бөлінді. Жобаның құрылысы толық аяқталған жағдайда, қала тұрғындары 100% орталықтандырылған кәріз жүйесіне қосылады.
Кентау қаласы мен оған қарасты елді мекендер толық орталықтандырылған электр желісімен қамтамасыз етілген. Абонент саны 25000, тұтыну млшері-15 мВ/ күн.Жалпы трансформаторлардың саны – 346 дана.
Республикалық бюджеттен, «Шұғыла» мөлтекауданы №6, №7, №8 көшелерінің инженерлік инфрақұрылым құрылысы» Электр желілеріне – 154,7 млн. теңге бөлінді. Нысан 2023 жылға өтпелі. Нәтижесінде 377 жеке тұрғын-үй электр желілерімен қамтылатын болады.
Қарнақ ауылы «Дүйім-Тума», «Қанайұлы», «Маклик» учаскелерінің инженерлік инфрақұрылымын салу» нысанының жалпы сметалық құны 181 млн. теңгені құрайды. Нәтижесінде 488 жеке тұрғын-үй электр желілерімен қамтылатын болады.
Сонымен қатар, ағымдағы жылы «Оңтүстік жарық» ЖШС инвестициялық бағдарламасы аясында Кентау қаласына қарасты Қарнақ және Құсшы-ата елді мекендерінде электр жүйесін жөндеу жұмыстары жүргізілді.
Қалада барлығы 18000 абонент бар. Оның ішінде: І кезең -11 300; ІІ кезең – 3 500; ІІІ кезең -3 200 абонент.
Кентау қаласын табиғи газбен қамту бойынша 3-кезең нысандарының құрылыс жұмыстары аяқталып, 2022 жылдың 8 сәуірінде қалаға табиғи газ келді. Ағымдағы жылдың соңына дейін қалған екі кезеңді табиғи газға қосу жоспарлануда.
Бүгінгі таңда 3265 абонент табиғи газға қосылу үшін техникалық шарт алған.
«Кентау сервис» МКК-сі № 5 ЖЭО кәсіпорны 1934 жылы құрылған. Қондырғылар 1952 жылы орнатылған. Жылу құбырларының ұзындығы 155 шақырымды құрайды. Жылу қуаттылығы-126 Гкал/сағ.
Орталықтандырылған жылуға қосылған 14 мың абонент бар, оның ішінде:
-бюджеттік мекемелер саны – 108;
-жеке тұрғын үйлер саны – 2295;
көпқабатты тұрғын үйлер саны – 346;
коммерциялық нысандар саны – 441.
«Кентау сервис» мекемесінің 2022-2023 жылдардағы жылу маусымына дайындығы
2022-2023 жылдардағы жылу маусымына қажетті қатты отын(көмір)-90000тн, сұйық отын(мазут)-700тн, дизель-20тн. № 5 ЖЭО-на 90 000 тн көмір сатып алуға «Есиль Company» ЖШС-мен келісім шарт түзілді. Кәсіпорынға 27,3 мың тонна көмір,20 тонна дизель, 26,6 тонна мазут жеткізіліп,күнделікті жағылуда.
2022-2023 жж жылу маусымын сапалы өткізу мақсатында № 5 ЖЭО-ның негізгі және қосалқы жабдықтарын ағымдағы жөндеу жұмыстарына қаржы қарастырылып: № 5 ЖЭО-ның №7,11,12 қазандықтарын және электр қондырғыларын,№3 турбоагрегатын ағымдағы жөндеу жұмыстары жүргізілді(100%).Қосымша қаржы бөлініп: №8 қазандығын жөндеу, 250 метр магистральдық және 300 метр ішкіорам жылу желілерін ауыстыру және жылу құбырларын орап-ықшамдау жұмыстары жүргізілді (100%).
Кентау қаласындағы 324 көпқабатты тұрғын үйлердің 56 ауласы бар.
2020-2021 жылдары 7 көпқабатты тұрғын үй аулаларына балалар ойын алаңшалары орнатылып, абаттандыру жұмыстары жүргізілді. 33 ауланың жобалау сметалық құжаматталары әзірленіп, мемлекеттік жекешелік әріптестік бағдарламасы арқылы жүзеге асыру жоспарланған. Жалпы сомасы 5,5 млрд.тенге.
Кентау қаласының көшелерін жарықтандыру және қайта жаңғырту мақсатында жұмыстар атқарылуда. Сметалық құжаттамаға сәйкес 85 көшеге 1070 дана жарық шам орнатылды. Қосымша ағымдағы жылдың соңына дейін 200 дана жарық бағанасын орнату жоспарланған. Нәтижесінде, Кентау қаласының көшелерінің 90%-ы жарықтандырылады.
Кентау қаласы бойынша жалпы ішкі жолдар 268 көше 173,5 шақырымды құрайды, оның ішінде, асфальт 175 көше немесе 77,3%, қиыршық тас 88 көше немесе 19,0% және топырақ 5 көше 3,7% құрап отыр.
МЖӘ (ГЧП) аясында 2020-2025 жж. 128 көшені жөндеуден өткізу және күтіп ұстау жұмыстары жоспарланған.
2022 жылы Кентау қаласында 46 көше жөндеуден өткізілді.
«Ауыл – Ел бесігі» жобасы аясында Қарнақ ауылының 10 көшесін орташа жөндеу жұмыстары аяқталып, пайдалануға берілді.
Субвенция есебінен қаланың жолдарын орташа жөндеуге 7 көшеге қаржы қаралып, жөндеу жұмыстары аяқталған.
Сонымен қатар, Республикалық бюджеттен, Кентау қаласы, «Шұғыла» мөлтекауданы №6, №7, №8 көшелерінің инженерлік инфрақұрылым құрылысы» жолдарға – 164,5 млн. теңге қаралған Нысан 2023 жылға өтпелі.
Кентау қаласындағы Д.Қонаев даңғылын Халықаралық әуежайға баратын айналма жолға қосу бойынша жобалау-сметалық құжаттамасы әзірленіп, сараптаманың оң қорытындысы алынған. Жобалау-сметалық құны – 2.1 млрд теңге. Салалық басқармаға бюджеттін өтінім ұсынылған.
МЖӘ (ГЧП) аясында 2020-2025 жылдары аралығында 128 көшені жөндеуден өткізу жоспарланған болатын. Мердігер «VIP stroy company» ЖШС. Соның ішінде:
2020 жылы – 35 көше, 11,9 шқ;
2021 жылы – 24 көше, 12,7 шқ;
2022 жылы – 29 көше, 11,6 шқ;
2023 жылы – 19 көше, 11,4 шқ;
2024 жылы – 15 көше, 11,6 шқ.
МЖӘ (ГЧП) жобасы аясында, қалалың жолдарына 34,6 шақырым жол таңбалау жұмыстары, білім беру мекемелері мен қаланың көше қиылыстарында жаяу жүргіншілер өткелдерін 4220 м2 жаңарту жұмыстары жүргізілді. Қаланың жолдарында ақау пайда болған жерлеріне ағымдағы жөндеу жұмыстары жүргізілуде.
Қазіргі таңда Кентау қаласының аумағы 53,1 мың га. (оның ішінде, суармалы 3,9 мың га., жайылым 38,4 мың га., елді мекен 10,8 мың га.). Қазіргі таңда, Сауран ауданы аумағынан жалпы көлемі 75,5 мың га. жайылымдық жерді Кентау қаласына қосу жолымен шекараны 128,3 мың га. өзгерту бойынша тиісті жұмыстар атқарылуда.
2020 жылы Кентау қаласы, Ш.Уәлиханов көшесінде 5-қабатты, 60-пәтерлі 5 үйдің құрылысына мердігермен келісім шарт түзіліп, құрылыс жұмыстары басталған болатын. Алайда 2021-2022 жылдарға қаржы қаралмауына байланысты жұмыстар уақытша тоқтатылған. Жобаға түзету енгізу жұмыстары жүргізілуде.
Сонымен қатар, қаланың 2021-2025 жылдық даму жоспарына сәйкес 5 қабатты 60 пәтерлі 10 үйдің және 25 пәтерлік 24 үйдің жобалау-сметалық құжаттамасы әзірленген. Облыстық құрылыс басқармасына бюджеттік өтінім ұсынылған.
Жоғарыда аталған үйлердін құрылысы жүзеге асқан жағдайда 1500 әлеуметтік осал топтарға жататын тұрғындар тұрғын үймен қамтамасыз етілетін болады.
Қазіргі уақытта Кентау қаласының жер асты суларының деңгейін төмендету мақсатында “Қосқорған су қоймасын одан әрі толықтыра отырып, Кентау қаласында су төмендету жүйесін салу” екі кезеңнен тұратын жобасын іске асыру бойынша жұмыстар жүргізілуде.
Бұл жоба “Глубокий” шахтасының оқпанында 4 жоғары дебитті сорғыларды орнатуды, сондай-ақ қаланың негізгі су басу аймақтарына тік дренаждың (СВД) 11 ұңғымасын бұрғылауды қамтиды. Бүгінгі таңда 11 ұңғыманың барлығы бұрғыланып, толығымен отырғызылған. Ұңғымалардың орнын абаттандыру жұмыстары жүргізілуде.
Кентау қаласы бойынша 25 мектеп (23 мемлекеттік 2 жеке меншік), 19 067 оқушы бар. 33 балабақшада (14 мемлекеттік 19 жеке меншік) 5 мың 938 бүлдіршін тәрбиеленуде. 2021-2022 оқу жылында 844 оқушы мектеп бітіріп, ҰБТ нәтижесі орташа 73,9 баллды құрады.
2022 жылы Хантағы ауылынан №5 және № 6 мектептерге заманауи спорт залы салынып, қолданысқа берілді. Кентау оқушылар үйі қайта құрылып, қосымша білім беру орыны 1800 бірлікке артты.
2022 жылы заманауи жабдықталған 1-4 сынып оқушыларына арналған жеке-меншік «Ы.Алтынсарин атындағы бастауыш мектеп» ашылды.
Т.Рысқұлов атындағы №24 мектептің қолданыстағы ғимаратына күрделі жөндеу жұмыстарына 40 млн.тг бөлініп, мектептің кәріз жүйесі жөндеуден өткізілуде. Барлық мектептер ішкі әжетханамен қамтылған және 615 бейнебақылау камераларымен толық қамтамасыз етілген.
Кентау қаласында 3 ауысымда білім беретін мектеп жоқ.
«Жайлы мектеп» бағдарламасы аясында 1500 орындық 2 мектеп құрылысы үшін жер телімі бөлінді.
Кентау қаласында 4 балалар мен жасөспірімдер спорт мектептері, 1 МЖӘ (мемлекеттік-жекешелік әріптестік) аясындағы балалар мен жасөспірімдер спорт мектебі және 1 «Кентау спорт клубы» орналасқан.
Кентау қаласы және оған қарасты ауылдарда 5 клубтық мекеме (қалалық мәдениет сарайы -1, ауылдық клубтар -4), 10 кітапханалар (оның ішінде 6 қалалық, 4 ауылдық), 1 тілдерді оқыту және дамыту орталығы халыққа қызмет көрсетеді.
«Ауыл – Ел бесігі» жобасы аясында Хантағы ауылындағы шығармашылық үйін күрделі жөндеуге республикалық бюджеттен 49,4 млн.теңге және облыстық бюджеттен 5,5 млн.теңге қаржы қаралып, жұмыстар кестеге сәйкес жүргізілуде. Жыл соңында пайдалануға беріледі.
Қарнақ ауылына 300 орындық мәдениет үйін салу жоспарлануда.
