Бүгін Түркістан қаласы Шауғар секторының ғимаратында қалалық мәслихат төрағасы Ғаппар Сарсенбаев пен қалалық мәслихат депутаттары Сакен Ханділлаев және Құлбатыр Мұсабектің қатысуымен жиын болып өтті.
Онда ҚР Президентінің осы жылғы 1 қыркүйектегі Қазақстан халқына жасаған Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауын талқылау жиыны өткізілді.
Қалалық мәслихат дупутаттары кездесу барысында Мемлекет басшысы Қасым- Жомарт Тоқаевтың Қазақстан халқына арналған «Жаңа жағдайдағы Қазақстанның іс- қимыл кезеңі» атты жолдауы – халықтың ойынан шыққан жолдау болды. Жолдауда қоғамда қордаланған мәселелерді ашық айтып , қазіргі әлеуметтік –экономикалық , саяси жағдайға жан-жақты талдау жасап және оны оңалту бағытында нақты міндеттер қойған ,сондай –ақ , халық үніне құлақ асатын мемлекет құрудың алғышарттары көрсетілген . «Заңдылық пен әділеттілік сөзсіз қамтамасыз етілуі керек»- баса айтқан мемлекет басшысы, мемлекеттік бақылауға балама ретінде қоғамдық бақылауды күшейтуге арналған «қоғамдық бақылау туралы» Заң әзірлеп , оны қабылдауды тапсырғандығын мәлімдеді.
“Өздеріңізге мәлім, былтырдан бері елімізде ауқымды саяси жаңғыру жұмыстары жүргізілді. Небәрі бір жарым жылдың ішінде көптеген өзгеріс жасалды. Оған баршаңыз куә болдыңыздар, реформаны жүзеге асыру үшін белсенді түрде жұмыс істедіңіздер.Қолға алған шаралар нәтижесінде билік тармақтары арасында тиімді тепе-теңдік орнады. Басқару жүйесі ықпалды Парламенті бар Президенттік республика үлгісіне көшті. Елімізде “күшті Президент – ықпалды Парламент – есеп беретін Үкімет” тұжырымдамасы барынша орнықты. “Халық үніне құлақ асатын мемлекет” қағидатын нақты іске асыруымыз қажет. Бұл жерде Парламенттің рөлі ерекше.Адам құқығын қорғау саласында маңызды қадамдар жасалды. Әділдікті және заң үстемдігін орнату үшін ауқымды жұмыс жүргізіліп жатыр. Шешім қабылдау үдерісіне азаматтардың қатысу мүмкіндігі артты. Қоғамның саяси мәдениеті мүлде жаңа сипатқа ие болды.Алайда нағыз дамыған ел боламыз десек, саяси реформалармен шектеліп қалмауымыз керек. Осы жұмысты түбегейлі және жан-жақты әлеуметтік-экономикалық реформаға ұштастыру қажет.Қазір әлемде геосаяси ахуал ушығып тұр. Соған қарамастан, ел экономикасының негізгі бағыттары бойынша көрсеткіштер өсті.Былтыр Қазақстанның ішкі жалпы өнімі 104 триллион теңге болды. Елімізге 28 миллиард доллар тікелей шетел инвестициясы тартылды. Бұл – рекордтық көрсеткіш. Сыртқы сауда-саттық бұрын болмаған деңгейге, яғни 136 миллиард долларға жетті. Оның 84 миллиарды – экспорт. Сыртқы қорымыз 100 миллиард долларға жуықтады. Бұл, ең алдымен, экономикалық тұрақтылығымыздың аса маңызды кепілі екені сөзсіз.Әрине, басқа елдер де қарап отырған жоқ, олар да алға қарай ұмтылып, дамуда. Бір сөзбен айтқанда, жаһандық экономика және халықаралық еңбек нарығы түбегейлі өзгеруде. Технологиялық бәсеке қызып тұр. Барлық жерде ресурстар үшін талас жүріп жатыр. Климаттың өзгеруі, азық-түлік қауіпсіздігі және демографиялық тұрғыдан орнықты даму ең өзекті мәселеге айналды. Бір сөзбен айтқанда, адамзат тарихында бұрын-соңды болмаған сын-қатерлер мен түбегейлі өзгерістер дәуірі басталды.Осындай аса маңызды шақта зор экономикалық серпіліс жасауға еліміздің толық мүмкіндігі бар. Ол үшін біз біртіндеп жаңа экономикалық үлгіге өтуіміз керек. Бұл жұмысты батыл жүргізуіміз қажет. Басты мақсат – қағаз жүзіндегі биік жетістіктерге қол жеткізу емес, шын мәнінде халықтың тұрмыс сапасын жақсарту болуға тиіс”, деді Президент.
Қоғамдық кеңестердің рөлін арттыру жөнінде айтқан ел президенті, оларды сыбайлас жемқорлықты болдырмау мақсатында сатып алуды (мемлекеттік сатып алуды) ұйымдастыратын комиссиялардың жұмысына кеңінен тартуды, мәслихаттарға өңірді дамытуға және ондаған жылдар бойы шешімін таппай келе жатқан жергілікті түйткілді мәселелерді шешу үшін қол жинау мен петиция жасау құзыретін беру жайында, әсіресе, халықтың сұранысын ескере отырып , ауыл әкімдерін тікелей сайлау, жергілікті өзін-өзі басқарудың қаржылық мүмкіндіктерін арттыру арқылы тұрғындардың шнайы қажеттілігіне жұмсау туралы айтқандары елдің көкейіндегісін дөп басуы деп ойлайтындықтарын жеткізді.
Одан бөлек, кәсіпкерлерге қызмет көрсету саласында еңбек етіп жүргендіктен ,шағын және орта бизнеске қатысты жолдауда айтылған қолдауларға қатысты да айта кеткенді жөн көріп отырғандықтарын айтты. Шын мәнінде пандемияның зардабы кәсіпкерлерге ауыр тиді . көпшілігі жабылып немесе уақытпен шектеліп , қаржылық қиындықтарға тап болған уақытта , мемлекеттің қолдауы аса қажет еді. Шағын және орта бизнеске салық жеңілдіктері берілді , олардың төлеу мерзімі ұзартылды, айналым қаражатын көбейту бойынша арнайы бағдарлама қабылданды және қазіргі күрделі жағдайға қатысты қосымша 200,0 млрд теңге қаржы бөлу арқылы бағдарламаның жалпы құнын 800,0 млрд теңгеге дейін жеткізуге тапсырма берілді. Экономиканың зардап шеккен салаларындағы кәсіпкерлерге барлық несиелерінің 6 пайызға дейінгі жылдық мөлшерлемесі бойынша 12 айға мемлекеттік субцидия берілуі- кәсіпкерлерге кәсібін қайта жандандыруға үлкен көмек болары сөзсіз. Қорыта айтқанда мемлекет басшысы Қ.Ж.Тоқаевтың бұл жолдауы елдің игілігіне бағытталған барлық уақыт талабы мен қоғам үмітіне жауап беретін тарихи жолдау болды.
“Қазақстанның экономикалық дамуының жаңа парадигмасы еліміздің бәсекелік артықшылықтарын тиімді пайдалануға және өндіріс саласындағы еңбек, капитал, ресурстар, технология сияқты негізгі факторлардың әлеуетін барынша ашуға негізделеді.Жаңа экономикалық саясатта жүзеге асуы екіталай. Сондықтан ұзақ мерзімді мақсат қоюға болмайды.Осы Жолдауда айтылатын міндеттің бәрі үш жылдың ішінде орындалуға тиіс. Ал аса күрделі міндеттерді жүзеге асыру үшін нақты мерзім бекітіледі.Енді экономиканың құрылымына қатысты реформаның негізгі тұстарына тоқталайын.Қазіргі ең басты міндет – еліміздің мықты өнеркәсіптік негізін қалыптастыру және экономикамыз өзімізді толық қамтамасыз ете алатын жағдайға жету. Сондықтан өңдеу саласын жедел дамытуға баса мән беруіміз қажет.Біз ел тағдыры үшін айрықша мәні бар бірқатар жобаны жүзеге асыруымыз керек. Экономиканы әртараптандыру бұрынғыдан да маңызды міндетке айналуда.Бұл ретте металды терең өңдеу, мұнай-газ және көмір химиясы, ауыр машина жасау, уранды конверсиялау және байыту, автобөлшектер және тыңайтқыштар шығару сияқты бағыттарға айрықша назар аударған жөн. Басқаша айтсақ, жоғары деңгейде өңделген өнім шығаратын кластер құру керек.Еліміздің туристік әлеуетін де пайдалану керек. Туризм осындай серпінді жобалар қатарында болуға тиіс. Өкінішке қарай, осы маңызды саладағы жұмыс дұрыс атқарылмай жатыр, еліміз басқа мемлекеттермен салыстырғанда артта қалып келеді”, деді Президент.
Аталған жиын барысында мәслихат депутаттары ойларын ортаға сала отырып,өз сөздерінде Жолдауда еліміз бен халқымызға бүгінгі таңда қажетті өзекті мәселелердің дұрыс көтеріліп айтылғандықтарын мәлімдеді. Мемлекет басшысының атап көрсеткен ұсыныстарын Отанымыздың өсіп-өркендеуі үшін маңызды деп санайтындықтарын және оларды жүзеге асыруға аянбай өз үлестерін қосатындықтарын жеткізді. Жиынға қатысушылар өз тараптарынан Жолдауға қолдауларын білдірді.
